Ինչպե՞ս են պարտադրել՝ մեկ գավաթ կարմիր գինու շուրջ, թե՞ կոշտ կերպով. Մարիա Զախարովա
Դա ֆեյք է: Այսպես է ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ մեկնաբանել ՀՀ Անվտանգության խորհրդի քարտուղար Արմենի Գրիգորյանի հայտարարություններն այն մասին, որ Երևանին «հարկադրում են» միանալ Միութենական պետությանը և արտատարածքային միջանցք տրամադրել Բաքվին։
Ռուսաստանի ԱԳՆ պաշտոնական ներկայացուցիչը կոչ է արել հայ պաշտոնյաներին, ովքեր խոսում են այդ մասին, փաստեր և ապացույցներ ներկայացնել։
«Եթե նրանք նման հայտարարություններ են անում եւ կոնկրետ երկրին պահանջներ են ներկայացնում, ապա պետք է փաստեր ներկայացնեն։ Ինչպե՞ս է տեղի ունեցել պարտադրանքը՝ ընկերական միջավայրում, մեկ գավաթ կարմիր գինու շուրջ, թե՞ կոշտ կերպով է տեղի ունեցել այդ պարտադրանքը։ Դա պետք է հասկանալ։ Գոնե ինչ-որ փաստեր պետք է լինեն։
Այդ ժամանակ մենք կկարողանանք լրացուցիչ մեկնաբանել և ինչ-որ բան ավելացնել ՌԴ նախագահի մամուլի խոսնակի ասածին»,-նշել Է Զախարովան։
«Երևանին ոչ ոք չի պարտադրում իր վերահսկողությունից դուրս ինչ-որ միջանցք։ Հաղորդակցությունների ապաշրջափակման հարցերով եռակողմ խումբը քննարկում է տարբերակներ, որոնց դեպքում ինքնիշխանությունը պատկանում է այն կողմին, որի տարածքով անցնում են ճանապարհները», - հավելել է Մարիա Զախարովան։
Հիշեցնենք, որ ավելի վաղ ՌԴ նախագահի մամուլի խոսնակ Դմիտրի Պեսկովը սադրիչ էր համարել Հայաստանի Անվտանգության խորհրդի քարտուղար Արմեն Գրիգորյանի հայտարարությունները:
«Նման հայտարարությունները կարելի է դիտարկել որպես սադրիչ։ Դրանք չեն համապատասխանում իրականությանը։ Ռուս պաշտոնյաներից ոչ մեկը դա չի ասել եւ ոչ մեկի միջոցով չի հասցրել հայկական կողմին», - նշել է Պեսկովը՝ ի պատասխան News.am-ի հարցմանը։
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Փեզեշքիան. ԱՄՆ ագրեսիան ոչնչացնում է համաշխարհային իրավական համակարգը
Էս լրիվ գողական եք հա՞ գնում․ ԱԺ ում լարված մթնոլորտ է
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա