Ժամանակն է, որ Հայաստանը վավերացնի Ստամբուլյան կոնվենցիան. ԵՄ դեսպան
Հայաստանում ԵՄ պատվիրակության ղեկավար, ԵՄ դեսպան Անդրեա Վիկտորինը, անդրադառնալով կանանց դեմ բռնության թեմային, ասել է, որ տևական ժամանակ բռնության դեմ պայքարը, այդ թվում՝ Հայաստանում, իրականացվել է միայն ակտիվիստների կողմից, սակայն այսօր այս պայքարը ներառվել է ազգային, միջազգային պատասխանատուների օրակարգերում:
«Կարծում եմ՝ մարդիկ սկսել են կամաց-կամաց հասկանալ, որ պետք է միասին աշխատել ընդդեմ կանանց դեմ բռնության», - ասել է Վիկտորինը՝ առանձնացնելով բուլինգը, ոտնձգությունները, սեռական ոտնձգությունները, որոնց մասին, ըստ դեսպանի, մարդիկ չեն համարձակվում խոսել:
Վիկտորինը խնդիր է համարել բռնության դեպքում այդ մասին բարձրաձայնել չհամարձակվելը:
«Մենք պետք է երիտասարդներին սովորեցնենք նախևառաջ ճիշտ հաղորդակցվել իրար հետ, փոխադարձաբար հարգանք դրսևորել և հասկանալ, որ աղջիկների ու տղաների միջև տարբերություն չկա... միայն դրական օրակարգ ունենալու դեպքում կարող ենք պայքարել կարծրատիպերի դեմ», - ասել է Վիկտորինը:
Նրա խոսքով՝ հասարակությունը, Եկեղեցին, առևտրային միությունները, բիզնես ընկերակցությունները և բոլորը պետք է մասնակություն ունենան գենդերային պատկանելության հիման վրա բռնության դեմ զրոյական հանդուրժողականության մասին օրենքների կիրառման հարցում:
ԵՄ դեսպանն իր խոսքում քննադատել է հասարակության՝ իր իսկ բնորոշմամբ այսպես կոչված «ավանդապաշտ շերտին»՝ հայտարարելով, որ «ավանդական արժեքներ ասվածի ներքո ինչ ասես, որ չի կատարվում»: Այս համատեքստում նա կոչ է արել Եկեղեցուն միջամտել:
Նրա խոսքով՝ կանանց դեմ բռնության պայքարն արդարության, օրենքի, հավասարության, մարդկայնության հարց է, ինչը, ըստ նրա, պահանջում է պարզ իրավական ակտեր:
«Ուստի, թույլ տվեք հավելել՝ ժամանակն է, որ Հայաստանը վավերացնի Ստամբուլյան կոնվենցիան», -ասել է դեսպանը՝ մանրամասնելով, որ այն առաջարկում է այս բռնության դեմ պայքարի մեթոդների իրավական շրջանակ:
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Փեզեշքիան. ԱՄՆ ագրեսիան ոչնչացնում է համաշխարհային իրավական համակարգը
Էս լրիվ գողական եք հա՞ գնում․ ԱԺ ում լարված մթնոլորտ է
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա