Զելենսկին խաղաղությու՞ն է խնդրում Ռուսաստանից

Ուկրաինայի նախագահ Վլադիմիր Զելենսկին կոչ է արել միջազգային հանրությանը ստիպել Ռուսաստանին խաղաղ բանակցություններ վարել Մոսկվայի և Կիևի միջև։  Համապատասխան տեսաուղերձը նա հրապարակել է իր տելեգրամյան ալիքում։

«Յուրաքանչյուր ոք, ով լրջորեն դիտարկում է կլիմայական օրակարգը, պետք է նաև լրջորեն ստիպի Ռուսաստանին՝ ներգրավվելու իրական խաղաղ բանակցությունների մեջ: Այն բանակցությունների, որոնք մենք բազմիցս առաջարկել ենք»,- ասել է Զելենսկին տեսաուղերձում։

Նա թվարկել է Ռուսաստանին ուղղված իր պահանջները, որոնք ներառում են հարգանք ՄԱԿ-ի կանոնադրության նկատմամբ, կորուստների փոխհատուցում և տարածքային ամբողջականության վերականգնում։