Ճապոնիայի կառավարությունը կոչ է անում կարգավորել հարաբերությունները Հարավային Կորեայի հետ
Տոկիոն անհրաժեշտ է համարում բարելավել հարաբերությունները Սեուլի հետ, որոնք վատթարացել էին դեռեւս 2019-ին, հայտարարել է Ճապոնիայի արտաքին գործերի նախարար Յոսիմասա Հայասին։ Նրա խոսքով՝ Ճապոնիան կողմը է Հարավային Կորեայի հետ համագործակցության զարգացմանը։
«Մենք անհրաժեշտ ենք համարում ճապոնա-հարավկորեական հարաբերությունների կարգավորումը եւ հետագա զարգացումը՝ երկկողմ բարեկամական համագործակցության հիման վրա», - ՏԱՍՍ-ը մեջբերում է Յոսիմասա Հայասիի խոսքերը:
Ինչպես նշել է Ճապոնիայի ԱԳՆ ղեկավարը, երկու երկրների միջեւ հարաբերությունների ամրապնդումն անհրաժեշտ է համաշխարհային բարդ իրավիճակի ֆոնին։ Նա նաեւ հավելել է, որ Ճապոնիայի իշխանությունները դրական են վերաբերվում երկու պետությունների ղեկավարների հնարավոր հանդիպմանը, սակայն այդ պահին բանակցությունների կոնկրետ ժամկետներ դեռ չկան։
Ճապոնա-հարավկորեական հարաբերությունները վատթարացան երեք տարի առաջ՝ մի շարք փոխադարձ մեղադրանքներից հետո։ Սրումը հրահրվեց ճապոնական ընկերությունների առնչությամբ Հարավային Կորեայի դատարանների մի շարք որոշումներով, որոնց համաձայն դրանց պարտավորեցրեցին փոխհատուցում վճարել իրենց գործարաններում Կորեական թերակղզում ճապոնական օկուպացիայի տարիներին ներգրավված հարավկորեացի աշխատողների ժառանգներին։
Տոկիոյում այդ պահանջները մերժվեցին՝ վկայակոչելով բոլոր պահանջների կարգավորումը՝ երկու պետությունների միջեւ դիվանագիտական հարաբերությունների հաստատմամբ։ Արդյունքում կողմերի կոնֆլիկտը հանգեցրեց նրան, որ նրանք միմյանց ջնջեցին ապրանքների արագացված ներմուծման իրավունք ունեցող պետությունների ցանկից։ Սակայն 2021-ից երկու երկրներում էլ սկսեցին խոսել հարաբերությունների բարելավման անհրաժեշտության մասին։
Առանց ռուսական նավթի, երբ մոտ է վառելիքի գլոբալ դեֆիցիտը
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա