«Նա վաճառում է հայրենիքը հանուն սեփական շահի». Ավետիք Իշխանյան

Ավետիք Իշխանյանը գրում է.

«Առավոտ»-ում կարդացի, որ Արցախի նախագահ Արայիկ Հարությունյանը Սևանի ափին շքեղ առանձնատուն է կառուցում։ Իսկապես, սա այն դեպքն է, որ չեմ ուզում հավատալ։

Ուղղակի պահանջում եմ հերքել։Հերքել, բայց միայն համոզիչ փաստերով։ Իսկ եթե, այնուամենայնիվ տեղեկությունը ճիշտ է, ապա․․․

Ապա որևէ մեկն այլևս չփորձի մեղադրել թուրքին, ադրբեջանցուն, ռուսին, ֆրանսիացուն, ամերիկացուն, բրիտանացուն։ Եթե այս օրհասական օրերին Արցախի ղեկավարն առանձնատուն է կառուցում, ուրեմն նա թքած ունի հայրենիքի, իր հայրենակիցների ճակատագրերի վրա, այլ նրանց արյան հաշվին հարստանում է։ Նա վաճառում է հայրենիքը՝ հանուն անձնական շահի։

Նորից եմ կրկնում, առայժմ որոշակի հույսեր ունեմ, որ տեղեկությունը կեղծ է։ Լուրջ, համոզիչ փաստերով հերքման դեպքում, պատրաստ եմ ներողություն խնդրել խոսքերիս համար։