Եվրոպայում գազի հետ կապված վիճակը «վատից» արագ փոխվում է մեր «ահավոր» սցենարին. Bank of America

Եվրոպայում գազային ճգնաժամն էլ ավելի է վատանում, հայտարարել է Bank of America-ն։ «Գազի հետ կապված վիճակը Եվրոպայում «վատից» արագ փոխվում է մեր «ահավոր» սցենարին»,- նշվել է բանկի հաղորդագրությունում, տեղեկացրել է BI-ն։

«Հյուսիսային հոսք-1» գազատարի հզորության 20 տոկոս թողունակության պայմաններում պաշարները ձմռան ընթացքում կարող են անբավարար լինել, եւ ներկայում ԵՄ-ը ծրագրում է նորմավորել պահանջարկը»։

Ռուսաստանի եւ Եվրոպայի միջեւ հարաբերությունների լարվածությունն ազդել է էներգետիկ շուկայի վրա. բնական գազի ֆյուչերսների գները մոտեցել են մեկ մեգավատ-ժամը 200 եվրոյի, եւ բան չի մնացել, որ հասնեն 300 եվրոյի։ «Ռուսաստանից մատակարարումների հետ կապված հոռետեսության աճին զուգընթաց՝ բնական գազի սփոթային եւ ֆորվարդային գները Եվրոպայում սահմանվում են ավելի լայն միջակայքով»,- նշել է Bank of America-ն։

«Ինչեւէ, Ռուսաստանի գազի լծակը թուլանում է, ուստի երկիրը կարող է որոշել օգտագործել այդ լծակը՝ մինչեւ այն կորցնելը»։

TTF բնական գազի հոլանդական ֆյուչերսներն այս տարի ավելացել են 200 տոկոսով՝ Մեծ Բրիտանիայում եւ ԱՄՆ-ում այս ընթացքում գների կրկնապատկման համեմատ։