Լաս Վեգասում հրաձգության հետևանքով զոհերի թիվը հասել է 59-ի, 527 վիրավորներից 150–ի վիճակը ծայրահեղ ծանր է

Լաս Վեգասում տեղի ունեցած հրաձգության հետևանքով զոհվածների թիվը հասել է 59-ի, գրում են ամերիկյան լրատվամիջոցները:

Նշվում է, որ քաղաքի հիվանդանոցներ են տեղափոխվել 527 տուժած, տեղի իշխանությունները կոչ են արել քաղաքացիներին շտապել մոտակա հիվանդանոցներ և արյուն հանձնել՝ տուժածներին օգնելու համար:

Հայտնի է, որ 527 վիրավորներից 150-ի վիճակը բժիշկները գնահատել են ծայրահեղ ծանր:

Հիշեցնենք, որ Լաս Վեգասում քանթրի ոճի երաժշտության համերգի ժամանակ այցելուների ուղղությամբ կրակ բացած և ավելի քան տասնյակ մարդկանց սպանած անձն ինքնասպան է եղել մինչ ոստիկանության ժամանելն իր հյուրանոցային համար:

Հայտնի է նաև, որ մարդկանց ուղղությամբ կրակ բացած անձը տեղի բնակիչ 64-ամյա Սթիվեն Փեդդոքն է:

Այս թեմայով Մասնագետները հետազոտել են Լաս Վեգասի հրաձիգի ուղեղը Լաս Վեգասի հրաձիգը «միայնակ գայլ էր» Լաս Վեգասում հրաձգության հետևանքով հայեր են տուժել Լաս Վեգասում կրակահերթի հետևանքով զոհվել է առնվազն 50 մարդ, ավելի քան 200 հոգի վիրավորվել է (լուսանկարներ, տեսանյութ) Կրակոցներ Լաս Վեգասի հայտնի խաղատներից մեկի մոտ. կան զոհեր ու վիրավորներ (Տեսանյութ)