Ճապոնիան Չինաստանին մեղադրել է Արեւելաչինական ծովում առանց իր մասնակցության ռեսուրսների յուրացման մեջ
Ճապոնիայի իշխանությունները նախօրեին բողոք են հայտնել Չինաստանին՝ կապված Պեկինի կողմից Արեւելաչինական ծովի բնական պաշարների միակողմանի յուրացման հետ, շաբաթ օրը հաղորդել է «Ասահի»-ն՝ վկայակոչելով Ճապոնիայի արտաքին գործերի նախարարության հայտարարությունը:
«Չափազանց ցավալի է, որ Չինաստանը միակողմանի նման գործողություններ է իրականացնում տնտեսական շահերի գոտիների սահմանազատման գծի արեւմտյան կողմում գտնվող գոտում»,- ասվում է Ճապոնիայի ԱԳՆ-ի հաղորդագրությունում։
Նախարարությունը հիշեցրել է, որ Չինաստանը շարունակում է նման գործունեություն ծավալել՝ չնայած տարածաշրջանի ջրերում համագործակցության մասին երկու երկրների 2008 թվականի համաձայնագրին։
«Ասահի»-ն հիշեցնում է, որ Արեւելաչինական ծովում Ճապոնիայի եւ Չինաստանի միջեւ պաշտոնապես հաստատված սահման չկա։ Իր հերթին, Չինաստանը հորատման ավելի քան մեկ տասնյակ հարթակ է կառուցել գազային հանքավայրերում այն գծից արեւմուտք, որը Տոկիոյում համարվում է երկու երկրների տնտեսական շահերի սահմանազատող գոտի։
Միեւնույն ժամանակ, Ճապոնիայի իշխանությունները նախկինում գրանցել են Չինաստանի կողմից մեկ այլ հորատման հարթակի հիմքի փոխադրումը։
Արեւելաչինական ծովում Չինաստանի եւ Ճապոնիայի միջեւ տարաձայնությունները ծագել են կապված ծովում գազի հանքավայրերի հայտնաբերման եւ չինական կողմից դրանց շահագործման մեկնարկի հետ։
Բացի այդ, Տոկիոն եւ Պեկինը տարածքային վեճի մեջ են Արեւելաչինական ծովում Ճապոնիայի կողմից վերահսկվող Սենկակու կղզիների (չինական անվանումը՝ Դյաոյու) շուրջ։
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA