Փոխհրաձգություն՝ Տեխասում. Փախած մեքսիկացի մաֆիոզին կրակել ու սպանել է տղամարդուն ու նրա չորս թոռներին
Տեխասի ոստիկանությունը գնդակահարել է հինգ մարդու սպանության մեջ կասկածվող փախած հանցագործին, ինչը վերջ է դրել բանտային ավտոբուսից փախչելուց հետո նրա երեքշաբաթյա որոնումներին, հայտնում է AFP-ն:
46-ամյա Գոնսալո Արտեմիո Լոպեսը ցմահ ազատազրկում էր կրում սպանության համար, երբ մայիսի 12-ին փախել էր բանտային ավտոբուսից։
Տեղական, նահանգային եւ դաշնային սպաների մասնակցությամբ որոնումներից երեք շաբաթ անց, ինչպես նաեւ նրան ձերբակալելու համար 50 000 դոլար պարգեւատրում խոստանալուց հետո, ոստիկանությունը հայտարարել է, որ Լոպեսը սպանվել է իշխանությունների հետ փոխհրաձգության ժամանակ:
Տեխասի քրեական արդարադատության դեպարտամենտի ներկայացուցիչ Ջեյսոն Քլարքը հայտնել է, որ փախուստի օրը Լոպեսը սղոցել է երկաթե վանդակը, որում նրան պահել են ավտոբուսում, ինչից հետո հարձակվել է վարորդի վրա ու փախել։
Նրա գտնվելու վայրի մասին իշխանությունները տեղեկացել են այն բանից հետո, երբ մի տղամարդ դիմել է ոստիկանություն՝ հայտնելով որ լուր չունի իր հարազատներից, որոնք հանգստանում են Սենտերվիլում:
Հասնելով տուն՝ ոստիկանությունը հայտնաբերել է չափահասի եւ 11-18 տարեկան չորս տղաների՝ երեք եղբոր եւ նրանց զարմիկի, ինչպես նաեւ նրանց պապիկի դիերը եւ սկսել որոնել տնից անհետացած Chevy Silverado պիկապը։
Իշխանությունները հայտնել են, որ գողացած բեռնատարը նույն օրը երեկոյան հայտնաբերվել է Ժուրդանտոնում՝ Լոպեսի փախուստի վայրից մոտ 320 կիլոմետր հեռավորությամբ:
Լոպեսը, որը զինված է եղել AR-15 ինքնաձիգով եւ ատրճանակով, գնդակահարվել է իրավապահների հետ փոխհրաձգության ժամանակ։
Պարզվել է, որ Լոպեսը մեքսիկական մաֆիայի անդամ է եւ 2006 թվականին դատապարտվել է ցմահ ազատազրկման՝ սպանության եւ առեւանգման համար։


















































Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA