Ալեն Սիմոնյանն այսօր անհապաղ պետք է վռնդվի իր զբաղեցրած պաշտոնից. Էդգար Ղազարյան

Ազգային ժողովի նախագահ Ալեն Սիմոնյանն այսօր անհապաղ պետք է վռնդվի իր զբաղեցրած պաշտոնից` պետական խորհրդանիշն անարգելու պատճառով։ Այս մասին ֆեյսբուքի իր էջում գրել է ՍԴ աշխատակազմի նախկին ղեկավար Էդգար Ղազարյանը եւ լուսանկար հրապարակել:

Նա, մասնավորապես, նշել է. «Պետության գլխի նստավայրում գտնվող ՀՀ պետական դրոշի գլխավոր օրինակի հանդեպ անարգանքն ու այն խաղալիքի վերածելը չի կարող անպատիժ մնալ։

Հ.Գ. Ոչ վաղ անցյալում մի դերասան կար, ով Նորագավիթի ավտոմեքենաների մաքսազերծման մաքսատանը դրոշի հանդեպ վերաբերմունքի ներկայացում էր բեմադրել։ Այսօր հնարավոր կլինի հասկանալ այդ ներկայացման ողջ իմաստն ու բովանդակությունը»։