Աննա Գրիգորյան. Քրիստինե Գրիգորյանը կդառնա ոչ թե Հայաստանի Հանրապետության, այլ իշխող կուսակցության օմբուդսմենը
Այս պահին Մարդու իրավունքների պաշտպանի ինստիտուտը շատ բարձր հեղինակություն ունի։ Դա հանրապետության գործող օմբուդսմեն Արման Թաթոյանի գործունեության արդյունքն է։ Այս մասին հունվարի 24-ին Ազգային ժողովի նիստին հանրապետության նոր օմբուդսմենի ընտրության հարցի քննարկման ժամանակ ասաց «Հայաստան» ընդդիմադիր դաշինքի պատգամավոր Աննա Գրիգորյանը:
Օմբուդսմենի ինստիտուտի նկատմամբ հասարակական հարգանքն ու ակնածանքը, ինչպես նշեց պատգամավորը, ձեւավորվել է մեծ մասամբ Թաթոյանի բարեխղճության շնորհիվ։
«Դուք վիրտուոզ կերպով շրջանցեցիք բոլոր այն հարցերը, որոնք ձեզ տրվեցին ուղիղ, ճակատային եւ որոնք վերը նշված որոշակի սկզբունքայնության դրսեւորում էին պահանջում։ Դուք ոչ մի հարցի հստակ պատասխան չտվեցիք, ինչը թույլ է տալիս ենթադրել, որ, ցավոք, դուք կդառնաք իշխող «Քաղաքացիական պայմանագիր» կուսակցության օմբուդսմենը, այլ ոչ թե՝ Հայաստանի Հանրապետության,- ընդգծեց ընդդիմադիր պատգամավորը՝ դիմելով օմբուդսմենի թեկնածու Քրիստինե Գրիգորյանին:
Հիշեցնենք, որ իշխող «Քաղաքացիական պայմանագիր» կուսակցության խորհրդարանական խմբակցությունն այդ պաշտոնում առաջադրել է արդարադատության փոխնախարար Քրիստինե Գրիգորյանի թեկնածությունը։ Ընդ որում, գործող օմբուդսմեն Արման Թաթոյանի լիազորությունների ժամկետը կլրանա միայն 2022 թվականի փետրվարի 23-ին։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար