«Պատերազմի ամենաթեժ օրերին, ահա այսպես են կործանման տարվել հազարավոր մարդիկ»․ Էդգար Ղազարյան

ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրել է․ «2021 թվականի սեպտեմբերի 5-ի կայանալու է ֆուտբոլի աշխարհի գավաթի առաջնության ընտրական փուլի որակավորման Գերմանիա-Հայաստան հանդիպումը։ Ինչպե՞ս է հնարավոր հաղթել Գերմանիայի հավաքականին, եթե առաջնորդվենք Հայաստանի ղեկավար Նիկոլ Փաշինյանի կողմից առաջարկվող պաշտոնական ուղեցույցով․

1․ Ձևավորել ֆուտբոլի կամավորական թիմ (նվազագույնը 15 հոգի, փոխարինման ռեզերվով)։
2․ Ընտրել թիմի ավագ։
3․ Դիմել թիմի ավագի մարզադպրոց։
4․ Մարզադպրոցում կամ բակային դաշտերից մեկում անցկացնել պարապմունք։
5․ Մեկնել մարզադաշտ։
6․ Հաղթել։
Պարզ և հասարակ։

Եթե որևէ մեկին այս ամենը զավեշտ կամ անհավանական թվա, ապա թող հասկանա, որ ահա այսպես, պաշտոնական մակարդակով, պատերազմի ամենաթեժ օրերին ինչպես են կործանման տարվել հազարավոր մարդիկ։ Այս կարգի վերաբերմունքով ու լրջությամբ է վերաբերվել Հայաստանի ղեկավարը պատերազմին, որին, ըստ իր կողմից ընդունված օրենքի, այլևս չի կարելի վիրավորել, անպատվել, հայհոյել, անգամ որևէ վատ խոսք ասել։ Պետք է գովել, փառաբանել, մեծարել և աստվածացնել։

5000 տարվա պատմություն ունեցող մի ժողովուրդ 21-րդ դարում հայտնվել է այս վիճակում»։