Մինասյան. լավ կլիներ, որ իշխող կուսակցության պատգամավորները ազատվեին ոչ լիարժեքության բարդույթից եւ զբաղվեին գործով
Լավ կլիներ, որ իշխող կուսակցության պատգամավորները ազատվեին ոչ լիարժեքության բարդույթից եւ զբաղվեին գործով: Այս մասին հայտարարեց «Հայաստան» խմբակցության պատգամավոր Արծվիկ Մինասյանը:
Նրա խոսքով՝ մշտական հանձնաժողովների նախագահների ընտրության քննարկման ժամանակ տպավորություն է ստեղծվում, թե ընդդիմությունն ու իշխանությունը փոխվել են տեղերով. իշխանությունն ամեն ինչում մեղադրում է ընդդիմությանը, եւ դա արվում է հաջորդական կարգով: Նա նկատեց, որ իշխանությունն անհանդուրժող է ընդդիմության նկատմամբ եւ շարունակում է ատելության քարոզչությունը:
«Այնպիսի տպավորություն է, թե վարչապետը Սեյրան Օհանյանն է: Բոլոր դավաճանություններն ու պատերազմում պարտությունը փորձում են կապել ընդդիմության հետ: Դավաճանական գործողությունները ուսումնասիրելու փոխարեն իշխանությունը մեղադրանքներ է հնչեցնում ընդդիմության հասցեին»,-հավելեց նա:
«Եթե իշխանությունը նպատակ ունի ոչնչացնել ցանկացած այլակարծություն, ապա դա նրանց չի հաջողվի: Իշխանությունը մանիպուլյացիայի է դիմում կամ քննարկում առաջին կուրսեցու մակարդակում: Չկա նվազագույն հարգանք լուրջ կյանքի ուղի անցած մարդկանց նկատմամբ: Նման մեթոդնե՞րով է իշխանությունը ցանկանում պետություն կառուցել»,-եզրափակեց պատգամավորը:
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Հօգուտ Դիլիջան համայնքի կբռնագանձվի 2 միլիոն 970 հազար դրամ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ