Քաղաքագետ. Հայաստանի քաղաքացիների մեծ մասը կողմ է Ռուսաստանի հետ դաշինքին

Մեր համաքաղաքացիների մեծ մասը սատարում է Ռուսաստանի հետ դաշինքին: Այս մասին հուլիսի 17-ին «Ուղեղի փոթորիկ. հետընտրական Հայաստան, իրողություններ եւ սպասումներ» թեմայով քննարկման ժամանակ ասաց «Ինտեգրացիա և զարգացում» ՀԿ նախագահ, քաղաքական վերլուծաբան Արամ Սաֆարյանը:

«Հայաստանի ամբողջ քաղաքական եւ հասարակական վերնախավը, մեր հասարակության ակտիվ հատվածը հարց է տալիս. ո՞ր ուղղությամբ է շարժվելու երկրի քաղաքական գործընթացը: Ո՞ւր կտանի Հայաստանը խորհրդարանական մեծամասնության ուժը: Կարո՞ղ է Հայաստանը հույս դնել քաղաքացիական համերաշխության հաղթանակի, սոցիալական միասնության եւ երկրում հանդուրժողականության մթնոլորտի ստեղծման վրա: Թե՞ մեր երկիրը կշարունակի սահել թշնամանքի եւ պառակտման, ինքնաոչնչացման եւ ուժասպառ դրական էներգիայի անդունդ, այդպիսով էլ ավելի անզեն անբարյացակամ հարեւանների առջեւ:

Ինչպե՞ս կզարգանա Լեռնային Ղարաբաղի հակամարտության կարգավորման գործընթացը: Եվ արդյո՞ք այս հարցը կլինի Հայաստանի պաշտոնական քաղաքականության գերակայությունների շարքում: Ի՞նչ կլինի Հայաստանի տնտեսության հետ, եթե Հարավային Կովկասի բոլոր տրանսպորտային ուղիները ապաշրջափակման: Մշակված հարմարվողականության գործընթացները կարո՞ղ են ապահովել մեր տնտեսական զարգացման կայունությունը տարածաշրջանային եւ գլոբալ գործընթացների ակտիվ ընթացքի ֆոնին:

«Հայաստանի ամբողջ քաղաքական եւ հասարակական վերնախավը, մեր հասարակության ակտիվ հատվածը հարց է տալիս. ո՞ր ուղղությամբ է շարժվելու երկրի քաղաքական գործընթացը: Ո՞ւր կտանի Հայաստանը խորհրդարանական մեծամասնության ուժը: Կարո՞ղ է Հայաստանը հույս դնել քաղաքացիական համերաշխության հաղթանակի, սոցիալական միասնության եւ երկրում հանդուրժողականության մթնոլորտի ստեղծման վրա: Թե՞ մեր երկիրը կշարունակի սահել թշնամանքի եւ պառակտման, ինքնաոչնչացման եւ ուժասպառ դրական էներգիայի անդունդը՝ այդպիսով էլ ավելի անզեն կանգնելով անբարյացակամ հարեւանների առջեւ: Ինչպե՞ս կզարգանա Լեռնային Ղարաբաղի հակամարտության կարգավորման գործընթացը: Եվ արդյո՞ք այդ հարցը կլինի Հայաստանի պաշտոնական քաղաքականության գերակայությունների շարքում: Ի՞նչ կլինի Հայաստանի տնտեսության հետ, եթե Հարավային Կովկասի բոլոր տրանսպորտային ուղիները ապաշրջափակվեն: Կարո՞ղ են արդյոք մշակվող ադապտացիոն գործընթացները ապահովել մեր տնտեսական զարգացման կայունությունը տարածաշրջանային եւ գլոբալ գործընթացների ակտիվ ընթացքի ֆոնին:

Ակնհայտ է, որ վերջին վեց ամիսների ներքաղաքական դիսկուրսի ամենակարեւոր խնդիրներից մեկը հայ-ռուսական ռազմավարական դաշինքի խորացման եւ ամրապնդման համապարփակ զարգացման խնդիրն է: Խորհրդարան մտած երեք քաղաքական կուսակցությունները քաջատեղյակ են Ռուսաստանի հետ ռազմավարական դաշինքի եւ գործընկերության կարեւորությանը եւ պատրաստ են անխոնջ աշխատել այդ ուղղությամբ: Ինչպիսի՞ն կլինի Ռուսաստանի հետ նոր դաշինքը: Ի՞նչ ձեւ այն կստանա: Ի՞նչ պետք է անի Հայաստանի քաղաքական իշխանությունը՝ երկրի ինքնիշխանությունն առավելագույնի հասցնելու եւ նրա անվտանգությունն ուժեղացնելու համար: Մեր համաքաղաքացիների մեծ մասը կողմ է Ռուսաստանի հետ դաշինքին, Ռուսաստանի զինված ուժերի մասնակցությանը Հայաստանի զինված ուժերի արդիականացմանն ու վերազինմանը մեր սահմանների անվտանգության ապահովմանը: Մեր ժողովրդի մեծ մասը վստահում է Ռուսաստանին եւ խնդրում է դրա ղեկավարությանը տրամադրել հնարավոր բոլոր օգնությունները մեր ռազմագերիների վերադարձի հարցում: Օրեր առաջ Հայաստան էր ժամանել Ռուսաստանի Դաշնության Պաշտպանության նախարարության պատվիրակությունը: Սա շատ լավ նորություն է եւ վկայում է այն մասին, որ մեր երկրի իշխանությունները ձգտում են սկսել մեր բանակի մարտունակության վերականգնման գործընթացը՝ չսպասելով նոր կառավարության պաշտոնական ձեւավորմանը եւ Հայաստանի նոր խորհրդարանի լիարժեք գործունեության մեկնարկին:

Այս տարվա անցած ամիսները ցույց են տվել, որ կորոնավիրուսային համավարակից հետո մենք դանդաղորեն մտնում ենք զարգացման եւ տնտեսական աճի ուղի:

Շատ կարեւոր է, որ երկրում ակտիվ քաղաքական գործընթացները, գաղափարների եւ դիրքորոշումների բախումը չվնասեն երկրի կայունությանը եւ դրա տնտեսական դիրքին: Իշխանությունները լսել են հասարակության պահանջները եւ աշխատում են Ռուսաստանի հետ տնտեսական համագործակցության զարգացման ուղղությամբ: Հուլիսի 8-ին Հայաստանի եւ Ռուսաստանի էկոնոմիկայի նախարարների ղեկավարները պայմանավորվեցին տնտեսական համագործակցության նոր ծրագիր մշակել: Ձեւավորվում է աշխատանքային խումբ, որը կուսումնասիրի էներգետիկայի, տեղեկատվական տեխնոլոգիաների, մետաղագործության եւ քիմիական արդյունաբերության ոլորտներում համագործակցության հնարավորությունները:

Հայաստանում շատերը հասկանում են, որ 44-օրյա պատերազմի ընթացքում բազմավեկտոր արտաքին քաղաքականությունը ճաք է տվել: Այժմ՝ նոր պայմաններում, ժամանակակից աշխարհի ուժի առաջատար կենտրոնները կփորձեն Հայաստանն իրենց կողմը քաշել եւ նոր իրողություններում կռիվ տալ հայ հասարակության վրա ազդեցության համար: Մենք հայ քաղաքական գործիչներին եւ հասարակական գործիչներին կոչ ենք անում չվերածել քաղաքական երկխոսությունը կողմնորոշման պատերազմի եւ Հայաստանը չվերածել արյունալի ինքնաքայքայիչ մարտերի ասպարեզի:

Մենք միանգամայն համոզված ենք, որ մեր նորագույն դժվարին իրավիճակում պետք է դրսեւորվեն մեր ժողովրդի լավագույն որակները: Այս ամենը պետք է դրվի մեր ուժեղացման եւ ամրապնդման ծառայությանը: Մենք դեմ չենք երկխոսությանը, այլ դեմ ենք սեփական ձեռքերով հայ ազգին թուլացնելուն եւ զինաթափելուն, հայկական քաղաքական ուժերը սխալ ձեռքերում խաղալիք դարձնելուն՝ Հայաստանը մենակ թողնելով Թուրքիայի եւ Ադրբեջանի հետ, ճնշելով ու ոչնչացնելով մեր ազգային դիմադրության վերջին կենտրոնները:

Այսօր մեր երկրի մեկնարկային պայմանները շատ ավելի բարդ են, քան շատ տարիներ առաջ: Նախորդ բաղադրատոմսերը կարող են չաշխատել: Մենք հայ մտավորականներին կոչ ենք անում էներգիա եւ գիտելիքներ չխնայել` մեր երկրի կայացմանը հնարավոր աջակցություն ցուցաբերելու համար»,- ասաց Սաֆարյանը: