Մեկ մլն բնակչին ընկնող դեպքերով արդեն անցել ենք Իրանից եւ Ֆրանսիայից, հավասարվել ենք Ռուսաստանին. Փաշինյան
Մենք մեկ մլն բնակչին ընկնող կորոնավիրուսի դեպքերով արդեն իսկ անցել ենք Իրանից եւ Ֆրանսիայից, հավասարվել ենք Ռուսաստանի ցուցանիշին: Այս մասին, այսօր՝ մայիսի 29-ին, պարետատան նիստից հետո ճեպազրույցի ժամանակ նշեց ՀՀ վարչապետ Նիկոլ Փաշինյանը:
«Այս տեմպով շարունակվելու դեպքում կհասնենք Իտալիայի ցուցանիշին: Այս համաճարակի տարածման նման տեմպը, անկախ նրանից, թե քանի տոկոսն է ախտանիշով, քանի տոկոսն է ասիմպտոմ, ինքնաբերաբար բերում է ծանր եւ ծայրահեղ ծանր դեպքերի, նաեւ մահվան դեպքերի աճի:
Նման իրավիճակի պատճառը հակահամաճարակային կանոնների համատարած չպահպանումն է եւ մեր քաղաքացիների կողմից համաճարակային ահազանգերին պատշաճ լրջությամբ չվերաբերվելը»,-ասաց Փաշինյանը:
Նա նշեց, որ այսօր արդեն Երեւանի բակերում ՀՀ կառավարության անունից ԱԻՆ-ի ավոտմեքենաների միջոցով փոխանցվել է հետեւյալ ուղերձը.
«Բոլորիդ կոչ ենք անում կրել դիմակներ եւ դրանք հանել միայն սնվելիս: Դիմակը պետք է կրել այնպես, որ այն փակի ձեր քիթը եւ բերանը: Պարբերաբար ախտահանեք ձեր ձեռքերը եւ չախտահանված ձեռքերով մի դիպեք ձեր դեմքին:
Պահպանեք մեկուկես մետր սոցիալական հեռավորություն եւ բացառեք առանց դիմակի շփումը ձեր ընտանիքի անդամ չհանդիսացող անձանց հետ:
Սիրելի հայրենակիցներ, կրեք դիմակներ եւ դրանով կփրկեք հարյուրավոր կյանքեր:
Դիմակները անհրաժեշտ է փոխել երեք-չորս ժամը մեկ: Կարող եք օգտագործել ոչ միայն գործարանային արտադրության, այլեւ ձեր կողմից պատրաստած դիմակներ»:
«Այսինքն առանց դիմակի շփվեք միայն ձեր ընտանիքի անդամների հետ: Խոսքը վերաբերում է նաեւ ձեր բակերում, ձեր շենքի այլ բնակիչներին»,-ասաց Փաշինյանը:
Նա հավելեց, որ իրենք 100 տոկոսով վստահ են, որ այս կանոնների որակյալ պահպանումը ոչ միայն կբերի վարակվածների թվի նվազեցման, այլեւ մեզ կօգնի հաղթահարել համաճարակը:
Կաշառակերության մեջ մեղադրվող թաղապետը կրկին անցավ աշխատանքի
Ով ում է ծեծել Ազգային ժողովում
ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա
Լաշա Տալախաձեն Վարազդատ Լալայանի և Գոռ Մինասյանի հետ այցելել է Մայր Աթոռ Սուրբ Էջմիածին
16.8 մլրդ դրամից Արսեն Թորոսյանը ՍԳԼ-ին տվել է 6.8 մլրդ` մնացածը բաշխելով 26 հիվանդանոցներին. Կոռուպ...
Պավել Դուրովի սիրելին տոնեց 25-ամյակը քաղցր լոգանքով
Սամվել Կարապետյանը Շվեդիայում պարտվեց
Թմրավաճառը չհասկացավ եւ կալանավորվեց
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...