Իրանի դեմ ԱՄՆ նոր պատժամիջոցները ցուցադրում են Վաշինգտոնի հուսահատությունը. Ռոհանի
Վաշինգտոնի նոր պատժամիջոցները Թեհրանի դեմ ցուցադրում են ԱՄՆ ներկա ղեկավարության լիակատար հուսահատությունը։ Այսպիսի խոսքերով է երկուշաբթի հանդես եկել Իրանի նախագահ Հասան Ռոհանին ՄԱԿ Գլխավոր վեհաժողովին մասնակցելու համար Նյու Յորք մեկնելուց առաջ, կառավարության նիստում, տեղեկացնում է ՏԱՍՍ-ը։
«ԱՄՆ-ը հայտարարել է պատժամիջոցների մասին, որոնք արդեն մինչ այդ մտցրել է մեր դեմ։ Դա վկայում է Վաշինգտոնի լիակատար հուսահատության մասին,- Ռոհանիի խոսքերը մեջբերվում են Իրանի նախագահի պաշտոնական կայքում։- Իրենք՝ ամերիկացիներն էին մինչ այդ պնդում, որ այլեւս ոլորտ չի մնացել (Իրանում), որը պատժամիջոցների չի ենթարկվել»։
Նա ավելացրել է, որ «այս տարի իրանական պատվիրակությունը մեկնում է ՄԱԿ ԳՎ-ին ԱՄՆ-ի կողմից դաժան ճնշման պայմաններում»։ «Իրանի ժողովուրդը ցուցաբերել է տոկունություն պատժամիջոցների հանդեպ, եւ հիմա մեր տնտեսությունը սկսում է աճել։ Դա նշանակում է, որ մենք հաղթահարել ենք այդ խնդիրը»,- նշել է նախագահը։
Ուրբաթ ամերիկյան ֆիննախը հայտարարել էր, որ ԱՄՆ իշխանությունները պատժամիջոցներ են մտցնում Իրանի Կենտրոնական բանկի, Զարգացման ազգային ֆոնդի եւ Etemad Tejarate Pars Co ընկերության հանդեպ։
ԱՄՆ իշխանությունները հինգշաբթի վիզաներ են տվել Իրանի նախագահին եւ արտգործնախարար Մոհամադ Ջավադ Զարիֆին՝ ՄԱԿ Գլխավոր վեհաժողովի նիստին մասնակցելու համար, որը տեղի է ունենում Նյու Յորքում։ Մինչ այդ պահը Ռոհանիի եւ Զարիֆի մասնակցությունը ԳՎ-ին հարցականի տակ էր։
Ով ում է ծեծել Ազգային ժողովում
Կաշառակերության մեջ մեղադրվող թաղապետը կրկին անցավ աշխատանքի
Նախարարը կաթված է ստացել ուղիղ եթերում (տեսանյութ)
ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա
«Հայանտառն» ու Գագիկ Խաչատրյանի կինը հաշտություն են կնքել, ապօրինի կառուցված ցանկապատը կքանդվի 35 տա...
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Թմրավաճառը չհասկացավ եւ կալանավորվեց
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
16.8 մլրդ դրամից Արսեն Թորոսյանը ՍԳԼ-ին տվել է 6.8 մլրդ` մնացածը բաշխելով 26 հիվանդանոցներին. Կոռուպ...