Օսիպյանի կոմպրոմատը Փաշինյանի մասին. վարչապետը փորձում է լռեցնել նրան (տեսանյութ)
Ոստիկանապետ Վալերիյ Օսիպյանի հրաժարականը շատերի համար անսպասելի էր: Իշխանությունները առաջին օրերին որևէ մեկնաբանություն չէին տալիս, իսկ որոշ ժամանակ անց վարչապետի աշխատակազմի ղեկավար Էդուարդ Աղաջանյանը լրագրողների հետ զրույցում հայտարարեց, որ վարչապետ Փաշինյանը դժգոհ է եղել ԱԱԾ պետ Վանեցյանի և ոստիկանապետ Օսիպյանի աշխատանքից և հենց կառավարության ղեկավարի որոշմամբ են նրանք ազատվել: Թվում էր թե այս հայտարարությունը նշանակում է, որ ուժային կառույցների պաշտոնանկ արված ղեկավարների համար ավարտված է կարիերան:
Կարճ ժամանակ անց, սակայն պարզվեց, որ Օսիպյանի համար ամեն բան ավարտված չէ՝ նախկին ոստիկանապետը նշանակվեց վարչապետի գլխավոր խորհրդական: Այս նշանակումը հատկապես նոր հարցերի առիթ դարձավ: Հասարակության համար անհասկանալի է, թե ինչու՞ է վարչապետը իր աշխատանքը տապալած ոստիկանապետին նշանակում գլխավոր խորհրդական: Այդ ի՞նչ անգին խորհուրդներ պետք է տա Վալերիյ Օսիպյանը:
Օսիպյանի նոր պաշտոնն ավելի շատ նման է պատվավոր աքսորի: Վարչապետը նրան հանում է կարևորագույն պաշտոնից, բայց նաև իրեն շատ մոտ է տանում, որպեսզի շարունակի մնալ իր վերահսկողության տակ: Իսկ ինչն է ստիպում վարչապետին վախենալ նախկին ոստիկանապետից, որ նրան այդքան մոտ է պահում: Վախի պատճառը կարող է լինել միայն մեկ բան՝ Օսիպյանը տիրապետում է տեղեկատվության, որը չգիտեն մյուսները և վարչապետ Փաշինյանն այդ կերպ պաշտպանում է տեղեկատվությունը:
Իսկ ինչ կարող էր իմանալ նախկին ոստիկանապետը: Սա հասկանալու համար անհրաժեշտ է, որպեսզի մենք վերադառնանք 2018 թվականի ապրիլ: Իշխանափոխության օրերին Վալերիյ Օսիպյանը, որպես հասարակական կարգի պահպանման գլխավոր պատասխանատու գրեթե ամեն պահի եղել է Փաշինյանի կողքին: Այդ օրերին տարածվեց մի սենսացիոն տեսանյութ, որտեղ հստակ երևում էր, որ Փաշինյանը ինչ որ թուղթ էր փոխանցում Օսիպյանի հետևում կանգնած ոստիկանին:
Տեսանյութի այս հատվածն իհարկե լայն տարածում գտավ, բայց հասարակական էյֆորիան թույլ չտվեց հավատալ տեսածին: Մարդիկ շատ արագ փորձեցին մոռանալ իրենց տեսածը, որպեսզի չփչացնեն իրենց համար արդեն հերոս դարձած Փաշինյանի կերպարը:
Իրականում այս տեսանյութը շարունակություն ունի, որում հստակ երևում է, որ Փաշինյանի փոխանցած հաղորդագրությունն արդեն Օսիպյանի ձեռքում է:
Իհարկե մենք այս պահին չգիտենք, թե ինչ էր գրված այդ թղթի վրա: Չգիտենք նաև, թե այդ թուղթը վկայում է միայն Օսիպյան-Փաշինյան նախապես պլանավորախ կապի մասին, թե այս ամենը շատ ավելի հեռուն է տանում: Մենք սրա մասին կարող էինք իմանալ իհարկե, եթե Օսիպյանը խոսեր, բայց նա չի խոսքի, քանի որ Փաշինյանը գտել է նրան լռեցնելու ձևը:
Ամեն դեպքում իշխանափոխությունից մեկ ու կես տարի անց կրկին անգամ այս տեսանյութի դիտումը կօգնի շատերին հարցեր տալ և փորձել գտնել այդ հարցերի պատասխանները: Հիմա էյֆորիան շատ ավելի քիչ է, իսկ հերոսն էլ նախկինը չէ:
Ով ում է ծեծել Ազգային ժողովում
Կաշառակերության մեջ մեղադրվող թաղապետը կրկին անցավ աշխատանքի
Նախարարը կաթված է ստացել ուղիղ եթերում (տեսանյութ)
ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա
«Հայանտառն» ու Գագիկ Խաչատրյանի կինը հաշտություն են կնքել, ապօրինի կառուցված ցանկապատը կքանդվի 35 տա...
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Թմրավաճառը չհասկացավ եւ կալանավորվեց
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
16.8 մլրդ դրամից Արսեն Թորոսյանը ՍԳԼ-ին տվել է 6.8 մլրդ` մնացածը բաշխելով 26 հիվանդանոցներին. Կոռուպ...