Արմեն Գյուլբուդաղյանց․ Հենրիխ Մխիթարյանն առաջատարի պես տարավ թիմն իր հետևից
Ֆուտբոլի Հայաստանի ազգային հավաքականի գլխավոր մարզիչ Արմեն Գյուլբուդաղյանցը ասուլիսում մեկնաբանել է 4։2 հաշվով հաղթանակը Բոսնիա-Հերցեգովինայի հավաքականի նկատմամբ Եվրոպայի առաջնության ընտրական մրցաշարի 6-րդ տուրում։
«Վերջնամասում ցանկանում էինք թարմացնել կենտրոնը: Այդ պատճառով խաղադաշտ դուրս բերեցինք Արտակ Գիրգորյանին: Կառլեն Մկրտչյանը փոխարինվելու ցանկություն հայտնեց:
Շատ ուրախ եմ, որ կարողացանք իրականացնել երկրպագուների ցանկությունը և այսպիսի հաղթանակ տանել: Մեր տղաները մեծ նվիրվածությամբ գործեցին: Տղաներին ասել էի, որ այսպիսի խաղերում պետք է ցուցադրենք մեր նվիրվածությունը: Փառք Աստծո` ստացվեց: Արամ Հայրապետյանը շատ լավ խաղ անցկացրեց: Մենք հավատում ենք Արամին և մեր մյուս բոլոր դարպասապահներին: Մի քանի դրվագում Արամը կարողացավ փրկել մեզ վերահաս գոլերից:
Հենրիխ Մխիթարյանն առաջատարի պես տարավ թիմն իր հետևից: Հսկայածավալ աշխատանք կատարեց: Շնորհակալություն եմ հայտնում բոլոր ֆուտբոլիստներին: Այո, միացանք ուղեգրի համար պայքարին: Հիմա մտածում ենք Լիխտենշտեյնի դեմ խաղի մասին: Վերջում կհաշվենք միավորները»,- նշեց Արմեն Գյուլբուդաղյանցը:
Հայաստանի հավաքականը 9 միավորով բարձրացավ երրորդ տեղ, Բոսիան հետ է 2 միավոր եւ չորրորդն է։ Առաջատար Իտալիան 5 խաղում վաստակել է 15 միավոր, երկրորդ տեղում ընթացող Ֆինլանդիան ունի 12 միավոր դարձյալ 5 խաղից հետո։
Ֆինլանդիայի եւ Իտալիայի հավաքականների հանդիպումը սեպտեմբերի 8-ին կմեկնարկի Երեւանի ժամանակով 22։45-ին։ J խմբու նույն ժամին տեղի կունենա նաեւ Հունաստան - Լիխտենշտեյն հանդիպումը։
Կաշառակերության մեջ մեղադրվող թաղապետը կրկին անցավ աշխատանքի
Ով ում է ծեծել Ազգային ժողովում
ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա
Լաշա Տալախաձեն Վարազդատ Լալայանի և Գոռ Մինասյանի հետ այցելել է Մայր Աթոռ Սուրբ Էջմիածին
16.8 մլրդ դրամից Արսեն Թորոսյանը ՍԳԼ-ին տվել է 6.8 մլրդ` մնացածը բաշխելով 26 հիվանդանոցներին. Կոռուպ...
Պավել Դուրովի սիրելին տոնեց 25-ամյակը քաղցր լոգանքով
Սամվել Կարապետյանը Շվեդիայում պարտվեց
Թմրավաճառը չհասկացավ եւ կալանավորվեց
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...