Ֆրանսիացի «Սարդ-մարդը» մագլցել է հոնկոնգյան երկնաքերերից մեկը (տեսանյութ)
Ֆրանսիացի լեռնագնաց Ալան Ռոբերթը, որը հայտնի է «Սարդ-մարդ» անունով, մագլցել է Հոնկոնգի երկնաքերերից մեկը և հատուկ պաստառ փակցրել շենքի պատին՝ խաղաղության կոչ անելով քաղաքում, որում քաղաքական լարվածություն է տիրում:
Ինչպես ներկայացնում է BBC News-ը, ֆրանսիացու պատաստած պաստառը, որն այժմ կախված է 68 հարկանի շենքից, ձեռքսեղմում է պատկերում, ինչպես նաև Հոնկոնգի և Չինաստանի դրոշները:
57-ամյա լեռնագնացը, որը հայտնի է ողջ աշխարհում բարձրահարկ շենքեր մագլցելով, հայտնել է, որ իր հնարքը «անհապաղ խաղաղության կոչ է»:
Հիշեցնենք, որ Հոնկոնգում ամիսներ շարունակ լարված իրավիճակ է տիրում: Բնակիչները հակակառավարական ակցիաներ են իրականացնում՝ բողոքելով ապրիլին ընդունված օրենքի դեմ, որի համաձայն՝ Հոնկոնգում բնակվող, սակայն Չինաստանում քրեական հետապնդման ենթակա անձինք պետք է արտահանձնվեն Չինաստանի մայրցամաքային տարածք: