Քաթարն իսրայելա-պաղեստինյան հակամարտության սրման ֆոնին պաղեստինցիներին 480 մլն դոլար կհատկացնի
Այս թեմայով
- Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ
- Իսրայելի նախագահն առցանց ռեժիմով հեքիաթներ է կարդում երեխաների համար
- Իսրայելում հաշվել են խորհրդարանական ընտրությունների ձայների 97%-ը. Նեթանյաhուն կշարունակի վարչապետ մնալ
- Նեթանյահուն եւ նրա հիմնական մրցակիցը հայտարարել են Իսրայելի խորհրդարանական ընտրություններում հաղթանակի մասին
Քաթարի էմիր Թամիմ բեն Համադ ալ Թանին որոշել է Իսրայելի հետ հերթական էսկալացիայի ֆոնին Գազայի հատվածում և Հորդանան գետի արևմտյան ափին բնակվող պաղեստինցիներին 480 մլն դոլար հատկացնել, հաղորդում է Reuters գործակալությունը՝ Քաթարի արտգործնախարարությանը հղումով:
Նշվում է, որ մոտ 300 մլն դոլար կհատկացվի Պաղեստինի ազգային վարչակազմին`դրամաշնորհների և փոխառությունների տեսքով, որոնք կուղղվեն առողջապահության և կրթության ոլորտների զարգացմանը:
Եվս 180 մլն դոլար կհատկացվի շրջանում գործող հումանիտար ծրագրերի աջակցմանը, ինչպես նաև պաղեստինյան տարածքների ամբողջ բնակչության համար էլեկտրաէներգիայի մշտական ապահովմանը:
Հիշեցնենք, որ մայիսի 4-5-ին Գազայի հատվածում Իսրայելի և Պաղեստինի միջև բախումներ էին տեղի ունեցել, որոնք ամենախոշորն են վերջին 5 տարիների ընթացքում:
Իսրայելի պաշտպանության բանակի տվյալներով՝ անկլավից երկրի տարածք 690 հրթիռ է արձակվել, ինչին ի պատասխան Իսրայելը հարվածներ է իրականացրել «ՀԱՄԱՍ» և «Իսլամական ջիհադ» շարժումների թիրախների ուղղությամբ:
Լրատվամիջոցների փոխանցմամբ՝ հակամարտության սրման հետևանքով 31 պաղեստինցի և 4 իսրայելցի է զոհվել: