Ամերիկացին ջարդուփշուր է արել BMW M5 մակնիշի նոր ավտոմեքենան այն գնելուց անմիջապես հետո (լուսանկարներ)
Ամերիկյան Բալտիմոր քաղաքում ճանապարհատրանսպորտային պատահար է տեղի ունեցել քրոսովերի և նոր BMW M5 մեքենայի մասնակցությամբ, վերջինիս տերը նոր էր գնել մեքենան և դուրս եկել ավտոսրահից: Այս մասին տեղեկացնում է ֆեյսբուքյան Karachi Track էջը:
Նոր գնված մեքենային հարվածել է մեկ այլ տրանսպորտային միջոց: Արդյունքում BMW-ն դուրս է եկել ճանապարհի երթևեկելի գոտուց և հարվածել է սյանը: Պատահարի հետևանքով ոչ ոք չի տուժել, սակայն նոր մեքենան լուրջ վնասներ է կրել:
BMW M5 E46 մեքենաների արժեքը սկսվում է 100 000 դոլարից: Մեքենան ունի 4,4 լիտր տարողությամբ V8 շարժիչ, որի հզորությունը գրեթե 600 ձիաուժ է: Մեքենան 100 կմ/ժ արագություն է զարգացնում 3,4 վայրկյանում: