Չինաստանը պատրաստվում է առաքելություն ուղարկել Մարս 2020-ին
Չինաստանը Հեբեյ հյուսիսային նահանգում հաջողությամբ ավարտել է Մարսի վրա հետախուզական առաքելության կատարման վայրէջքային սարքի փորձարկումները եկող տարի ակնկալվող անօդաչու թռիչքից առաջ, տեղեկացնում է Reuters-ը։
Չինաստանի Ազգային տիեզերական վարչության ղեկավար Չժան Քեցզյանը հինգշաբթի ասել է, որ Չինաստանը պատրաստվում է Մարս առաքելություն ուղարկել 2020 թվականին։
Տիեզերք ճանապարհորդությունը կտեւի մոտ յոթ ամիս, իսկ վայրէջքը՝ յոթ րոպե, նշել է նա։
Փորձարկումը տեղի է ունեցել Հուայլայ վայրէջքային հարթակում, Պեկինից հյուսիս-արեւմուտք։
Չինաստանը ստեղծել է Long հզոր հրթիռը մարտի 5-ին՝ Մարսի վրա 2020 թվականին տիեզերանավ հասցնելու համար։
Այդ հրթիռը նախատեսված է նաեւ Լուսնի վրա Chang'e-5 տիեզերանավը հասցնելու համար 2019-ի վերջին կամ եկող տարեսկզբին՝ Լուսնից նմուշներ ստանալու համար։
Chang'e-4-ը հաջողությամբ վայրէջք է կատարել Լուսնի հակառակ կողմում այս տարվա հունվարին, ինչը չինական տիեզերական ծրագրի առաջին պատմական եւ մեծ ձեռքբերումն էր։
Չինաստանն ակնկալում է մոդուլային տիեզերակայանի կառուցումն ավարտել մոտավորապես 2022 թվականին։
2003-ին Չինաստանը դարձավ երրորդ երկիրը, որը տիեզերք մարդ ուղարկեց սեփական հրթիռով նախկին Խորհրդային Միությունից եւ Միացյալ Նահանգներից հետո։
Այդ ժամանակվանից երկիրը սրընթաց հասնում է Ռուսաստանին եւ Միացյալ Նահանգներին եւ մինչեւ 2030 թվականը կարող է դառնալ գլխավոր տիեզերական տերությունը։