ԱԳՆ գլխավոր քարտուղարի որդին տաքուկ ծառայում է ՊՆ-ում, հյուրերին է ուղեկցում
Այս թեմայով
- «Հայելի» ակումբի վրա հարձակումով պետք է մեղադրանք լինի խուլիգանության և խտրական վերաբերմունքի մասով, որը երկու ամիս անց չկա (տեսանյութ)
- Ինչ ընթացք է տրվել «Հայելի» ակումբի վրա հարձակման գործին, ինչու են իրավապահ մարմիններն անգործության մատնվել. (տեսանյութ)
- Անժելա Թովմասյանը 2 հեռուստաալիքից հրավեր է ստացել
- Անժելա Թովմասյանի նկատմամբ պաշտպանական միջոցներ ձեռնարկելու վերաբերյալ փաստաբանի դիմումը մերժվել է
«Հրապարակ» թերթը գրում է. «Հեղափոխությունից հետո իշխանության եկած անձինք իրենց որդիներին հրապարակավ ուղարկեցին բանակ, այն էլ՝ Ղարաբաղ՝ որպես օրինակ այլոց համար:
Ճիշտ է՝ մեկ տարում նրանց որդիները մի քանի անգամ արձակուրդ են եկել տուն, ինչը շարքային զինծառայողներին անհասանելի է, սակայն փաստ է, որ մինչ օրս վարչապետ Նիկոլ Փաշինյանի որդին՝ Աշոտը, պաշտպանության նախարար Դավիթ Տոնոյանի որդին՝ էդգարը, ծառայում են Ղարաբաղում:
Մինչդեռ պարզվում է՝ այլ պաշտոնյաներ այնքան էլ չեն «վարակվել» այդ օրինակից: Սփյուռքի նախկին փոխնախարար, այժմ ԱԳՆ գլխավոր քարտուղար Վահագն Մելիքյանի որդին ծառայում է Պաշտպանության նախարարությունում՝ միջազգային հյուրերին է ուղեկցում:
Պաշտպանության նախարարության մամուլի խոսնակը մեզ հետ զրույցում հաստատեց տեղեկությունը: «Վահագն Մելիքյանի որդին ՀՀ զինված ուժեր է եկել կամավոր, ինքն ունի բացառիկ գիտելիքներ, իմացություն եւ կրթություն:
Այո, ինքը պաշտպանական քաղաքականության վարչությունում է ծառայում: Ոչ միայն հյուրերին է ընդունում, ուղեկցում, այլեւ դա իր գործառույթներից մեկն է»:
Մանրամաները՝ թերթի այսօրվա համարում