Կնկա թերթը նորից «խոդի է տվել». «Հրապարակ»
«Հրապարակը» գրում է.
Ի՞նչ ասես մի վարչապետի, որ երկրի պետական, դիվանագիտական, ռազմական լծակները թողած իր կնկա թերթն է օգտագործում որպես պետության միակ լծակ։ Էն էլ ու՞մ դեմ՝ Վլադիմիր Պուտինի։ Մոռացե՞լ է «Լաձիմիր Լաձիմիրովիչին իր սպասիբոները», ամեն օր նրա հետ հաղորդակցվելու ինքնախոստովանությունները, հազար տակ ծալվելը․․․ Եթե Վլադիմիր Պուտինին բան է ուզում ասել, հազար պետական միջոց կա։ Եթե իր կնկա թերթի միջոցով է ասում՝ հանրայնացնելով, ուրեմն նա այլ նպատակ ունի։ Հայաստանի ու Ռուսաստանի միջև իր փորած վիհը խորացնել ու անդունդ սարքել։ Այս մարդը Հայաստանի ձեռքից բռնած՝ խաբելով ու խաղաղություն խաղալով, Հայաստանին առաջնորդում է անդունդ։ Չբացառենք, որ հանրայնացնում է նաև իրեն իշխանության բերած ուժերի համար։ Կնկա թերթը նորից «խոդի է տվել»։ Տեսեք այսօր ինչ է գրում կնկա թերթում, ինչում է մեղադրում Ռուսաստանին․
1. Ադրբեջանին հրահրել է Արցախում պատերազմ սկսել,
2. Հայաստանի տարածքով ստիպում է միջանցք տրամադրել Ադրբեջանին,
3. Զենք չի տրամադրել և տրամադրում Հայաստանին,
4. Հայաստանում տեղակայված ռուսական զորքերը ոչ միայն չեն պաշտպանում, այլև օգնում են Ադրբեջանին և Թուրքիային,
5. Խոչընդոտում է Արցախի հարցի լուծմանը,
6.Ամեն բան անում է, որպեսզի Հայաստանը չզարգանա,
7. Ստիպում է Հայաստանին միանալ Ռուսաստան-Բելառուս միությանը կամ Ռուսաստանի կազմի մեջ մտնել։
Վերը նշված յոթ կետանոց գերծանր, մահացու մեղադրանքները խոսում են այն մասին, թե որքան խորը անդունդ է Նիկոլը գցել հայ-ռուսական հարաբերությունները, իսկ մեղադրանքների իսկության մասին գնահատականների հնչեցումը` ռուսական կողմի անխուսափելի արձագանքից հետո։
Ամբողջական հոդվածը կարող եք կարդալ այս հասցեով՝ : https://hraparak.am/post/dac1554ad9976dadf0d422845f037ca1
© 2008 - 2021 «Հրապարակ օրաթերթ»