Ոստիկանները «օրինական պահանջ» անվան տակ խախտում են քաղաքացիների իրավունքները. Ռուբեն Մելիքյան
Վիրավորանքը քրեականացնելու առումով կարծում եմ կհամաձայնեք, որ մենք ունենք հետընթաց և հակասահմանադրական իրավիճակ: Այս մասին Աժ-ում քննարկման ժամանակ ասաց իրավապաշտպան Ռուբեն Մելիքյանը: Ինչպես արդեն նշել էինք՝ «Հայաստան» և «Պատիվ ունեմ» խմբակցությունները կազմակերպել են քննարկում հակասահմանադրական ակտերի թեմայով:
«Եռաբլուրը եռապատկած անձինք վերջերս գնացել էին Եռաբլուր, մի անձ, որը կանգնած էր մուտքի մոտ և չէր խոչընդոտում որևէ բանի, ոստիկանները մոտեցան և օրենքի պահանջ ներկայացնելով ստիպեցին հեռանալ, երբ կինը չցանկացավ ենթարկվել, բերման ենթարկեցին, ավելին նաև բռնություն կիրառեցին: Պետք է նաև սա նկատի ունենալ, որ ոստիկանները շատ հաճախ ներկայացնում են ձևական օրինական պահանջ»,-ասաց նա: