Ես չեմ գնալու բեմը կազմաքանդեմ… ես ասում եմ՝ պարում եք, նշանակում է մեր երեխեքի արյան վրա եք պարում
ԳԱԼԱ-ի «Կարևորի մասին» հաղորդման հյուրն է ՀՀ ԱԺ «Հայաստան» խմբակցության պատգամավոր Գեղամ Նազարյանը:
Անկախության խորհուրդը նրա համար չի փոխվել, ավելի է խտացել: Գեղամ Նազարյանն ասում է՝ պատերազմից հետո անկախության օրն իր համար ավելի կարևորվեց, ոչ թե արժեզրկվեց:
«Որովհետև ինչպես Աբգարը, այնպես էլ մյուս տղաները, գիտակցված կանգնեցին մինչև վերջ, իրենց ամենաթանկը՝ կյանքը, տվեցին այս երկրի և անկախության համար: Նրանք իրենց քայլով մեզ հուշեցին, որ հայրենիքը իրապես պետք է սիրել: Սա տարածք չէ, սա հայրենիք է, պետություն: Բայց դառը և դաժան իրականությունն այն է, որ անգամ պատերազմից հետո այս գիտակցումը՝ ինչ է պետությունը, ինչ է հայրենիքը, չկա: Դրա վառ վկայությունը հունիսի 20-ի արտահերթ ընտրություններն էին»,- նշում է Գեղամ Նազարյանը: