Կարո Փայլանն Էրդողանից ներողություն է պահանջում «գյավուր» բառի գործածման համար
Թուրքիայում հայազգի պատգամավոր Կարո Փայլանը սոցիալական ցանցերում քննադատել է Թուրքիայի նախագահ Ռեջեփ Թայիփ Էրդողանին՝ «գյավուր» բառի (սխալ) օգտագործման համար, հայտնում է Stockholm Center for Freedom-ը:
«Դուք ատելության այս արտահայտությունն օգտագործում եք՝ իմանալով, որ կան քաղաքացիներ, ովքեր ատելության հիմքով հանցագործությունների զոհ են դարձել, որոնք սերունդներ շարունակ սնվում են «գյավուր» վիրավորական բառով: Դուք պետք է ամաչեք»,- գրել է Փայլանը Twitter-ում:
Նշելով, որ Էրդողանն ատելության խոսք է օգտագործել, Փայլանը հարցրել է՝ արդյո՞ք Էրդողանը պատրաստվում է ներողություն խնդրել: «Որպես հայ, ով բազմիցս ատելության է ենթարկվել «գյավուր» բառի կիրառմամբ, ուզում եմ, որ պարզ լինի, որ նախագահի համար այս բառի օգտագործումն անընդունելի է»,- ասել է նա: