Եվս մի խայտառակ նշանակում Նիկոլ Փաշինյանի կողմից
ԵՎՍ ՄԻ ԽԱՅՏԱՌԱԿ ՆՇԱՆԱԿՈՒՄ ՆԻԿՈԼ ՓԱՇԻՆՅԱՆԻ ԿՈՂՄԻՑ
Հանրությունը զարմացած է իր սեռը <<արու>> համարած Դավիթ Սարգսյանին Դիլիջան համայնքի ղեկավարի պաշտոնակատար նշանակելու Նիկոլ Փաշինյանի որոշումից։ Երեկ՝ փետրվարի 26-ին Նիկոլ Փաշինյանը մի այլ երիտասարդի՝ Տիգրան Մխիթարյանին նշանակել է խոշոր Թումանյան համայնքի ղեկավարի պաշտոնակատար։ Թումանյան համայնքը ներառում է Թումանյան քաղաքը, Ահնիձոր, Շամուտ, Աթան, Լորուտ, Մարց, Քարինջ գյուղերը, 2020թ․ մարտին այդ համայնքի մեջ միավորվելու են նաեւ Դսեղը, Չկալովը եւ Ձորագետավանը:
Ըստ մամուլի հրապարակումների՝ Տիգրան Մխիթարյանը 2018թ․ եղել է ՀՀԿ անդամ։ Ըստ քարինջեցիների՝ նա 2018թ․ հեղաշրջման ժամանակ ֆալցետով աղմկել է փողոցներում, ուր 5 մարդ է կարողացել է հավաքի, շատ հայտնի հիմնադրամից մոտ 5000 դոլար դրամաշնորհ է ստացել ինչ- որ ծրագրի համար:
Թումանյան համայնքի բնակիչները հայտնում են, որ Լոռու նախկին մարզպետ Անդրեյ Ղուկասյանը ավագանու անդամ Տիգրան Մխիթարյանին օգտագործել է Թումանյանի ՀՀԿ-ական համայնքապետ Լեւոն Զավարյանի դեմ, Տիգրան Մխիթարյանը Լ․ Զավարյանից պահանջել է համայնքապետարանի <<Նիվան>> անհատույց նվիրաբերել իրեն, իբր ավագանու նիստերին գնալ- գալու համար, համայնքապետը չի համաձայնվել, 2019թվականին Տիգրան Մխիթարյանը հրաժարական է տվել, Թումանյանի ավագանու կազմից դուրս եկել։ Քարինջի բնակիչները վկայում են, որ Տիգրան Մխիթարյանը հիմնավոր կրթություն չունի, Քարինջում անասնապահությամբ էր զբաղվում, առանց համապատասխան կրթության տեղի դպրոցում ուսուցիչ է աշխատել։ Տիգրանի հայրը՝ Սամվել Մխիթարյանը Քարինջի գյուղապետն էր ։ Ֆեյսբուքի իր էջում Տիգրան Մխիթարյանը իր կրթության մասին գրել է, << Հաճախել է Վանաձորի Հովհաննես Թումանյանի անվան պետական մանկավարժական ինստիտուտ դպրոց>>։ Պարզ չէ՝ հաճախե՞լ է, թե՞ ավարտել , եթե ինստիտուտ է ավարտել, դպրոց բառն ինչո՞ւ է ավելացրել։ Արդեն 7 տարի է, ինչ Վանաձորի մանկավարժականը համալսարան է կոչվում, ոչ թե՝ ինստիտուտ։