Կեղծ օրակարգեր ներկայացնելով, ուժի միջոցով իշխանության կառչած մնալով` չեն մարսելու դավաճանական գործողությունները. Իշխան Սաղաթելյան
Այս թեմայով
- Պահանջում եմ 24 ժամում հրապարակել պատերազմի օրերին Փաշինյանի հետ կայացած հանդիպումների ձայնագրությունները. Ժամանակը գնաց․․․
- «Քաղաքական մեծամասնությունը պետք է համակերպվի՝ չենք եկել այս խորհրդարան՝ ջան ասենք ու ջան լսենք». Իշխան Սաղաթելյան
- Եթե իմանանք` 10000 մարդ փողոց հանելով թշնամին չի կրակի` հենց առավոտյան կհանենք․ Իշխան Սաղաթելյան (տեսանյութ)
- Սյունիքը հարձակման է ենթարկվում Բաքվի և Երևանի կողմից. Իշխան Սաղաթելյան. (տեսանյութ)
«Հայրենիքի փրկության շարժման» համակարգող, ՀՅԴ ԳՄ ներկայացուցիչ Իշխան Սաղաթելյանը կարծում է, որ Նիկոլ Փաշինյանը չի էլ ցանկացել արտահերթ ընտրությունների գնալ, պարզապես կեղծ օրակարգով փորձել է շեղել, խաբել հանրությանը՝ աթոռին կառչած մնալով: Tert.am-ի հետ զրույցում Իշխան Սաղաթելյանը նշեց, որ իշխանությունները չեն մարսելու իրենց դավաճանական գործողությունները:
- Պարոն Սաղաթելյան, իշխանությունները հրաժարվում են արտահերթ ընտրություններ անցկացնել, Ձեր կարծիքով սա ինչո՞վ է պայմանավորված:
- Հիմնական արտահերթ ընտրություններ անցկացնելու գաղափարից հրաժարվելու 3 հիմնական պատճառ կա: Առաջինը՝ հասկացել են, որ ընտրությունների միջոցով վերարտադրվելու շանս չունեն. պարզապես անհնար է: Երկրորդ՝ հասկացել են, որ արտահերթ ընտրությունների դեպքում իրենց թիմի հետ ևս խնդիրներ են ունենալու, որովհետև խորհրդարանում բախտի բերմամբ հայտնված պատգամավորների մեծ մասը մանդատը կորցնելու է: Երրորդ՝ մտածում են՝ կարելի է շարունակել ժողովրդին խաբել, լռեցնել և այս ամենը մարսել: Այս պատճառներով որոշել են ուժի միջոցով պահել իշխանությունը և հրաժարվել նաև այդ մտքից, բայց չարաչար սխալվում են:
- «Իմ քայլը» հղում է անում ժողովրդին. ասում են ՝ պահանջ չկա, խորհրդարանական ընդդիմությունն էլ հրաժարվեց:
- Ինձ թվում է՝ հարցումը ՔՊ շրջանակում են արել, մասնավորապես իրենց խմբակցության ներսում, այլ դեպքում կհասկանային հասարակական իրական պահանջ կա՞, թե՞ ոչ:
- Պարոն Սաղաթելյան, այլ վախեր չե՞ք տեսնում, շատերը նշում են, որ դա կարող է պայմանավորված լինել նաև երկրորդ նախագահի հայտարարությունով, որ ընտրություններին մասնակցելու է և վստահաբար հաղթելու է:
- Եթե հիշում եք, մենք մի քանի անգամ ասել ենք, որ աթոռին կառչած անձը փորձում է օրակարգը շեղել. ինքը մտադրություն չուներ արտահերթ ընտրությունների գնալ, կրկնեմ՝ լավ հասկանում է, որ վերարտադրվելու շանս չունի: Այս իմաստով գնահատել է իրավիճակը, հավանական մասնակիցներին ու փորձելու է կառչած մնալ աթոռից, խուսափել պատասխանատվությունից:
-Դուք ասացիք, որ չի ստացվելու է ժողովրդին խաբել, բայց ի՞նչ է արվելու, այդպես չլինի. տեսնում ենք, որ հասարակության ներսում կան նաև այնպիսի անձեր, ովքեր այսքանից հետո փորձում են արդարացնել Նիկոլ Փաշինյանին:
-Սովորաբար պոպուլիստները սեփական ժողովրդին խաբում են մեկ անգամ, բայց երկրորդը չի ստացվում: Իրենք, թաքնվելով ժողովրդի թիկունքում, անընդհատ խոսելով ժողովրդի անունից՝ փորձում են տպավորություն ստեղծել, որ ամեն ինչ լավ է, պահանջ չկա հեռացման ու դրանով նաև փորձելով հասարակությանը մասնակից դարձնել իրենց խայտառակ դավաճանական պրոցեսին:
- Պարոն Սաղաթելյան, ընդդիմադիրները մեծամասամբ նշում էին, որ Նիկոլ Փաշինյանի վարչապետության պայմաններում արտահերթ ընտրությունների չեն գնալու, առաջարկում եք ժամանակավոր կառավարություն ստեղծել, դրանից մեկ տարի հետո էլ գնալ ընտրությունների: Հիմա պահանջները նու՞յն են, ի՞նչ եք անելու:
- Ուզում եմ հստակ մեկ անգամ ևս հիշեցնել, որ որևէ ընդդիմադիր քաղաքական ուժ, այդ թվում խորհրդարանական դեմ չի եղել արտահերթ ընտրությունների անցկացմանը, այլ ընդհակառակը՝ ներկայացրել են դրա պահանջը և անհրաժեշտությունը՝ միաժամանակ նշելով դրան հասնելու շատ հստակ ճանապարհային քարտեզը՝ հրաժարական, անցումային կառավարության ձևավորում, արտահերթ ընտրությունների անցկացում: Ընդդիմությունը մոտ 10 օր առաջ էլ վերահաստատել է իր պահանջը, օրակարգը, ճանապարհային քարտեզը: Հետևաբար՝ մեր մոտեցումների մեջ ոչինչ չի փոխվել: Պայքարը բոլոր ուղղություններով շարունակվում է, փետրվարի 20-ին ունենք նշանակած մեծ հանրահավաք: Լինելու են երթեր, ցույցեր, անհնազանդության տարբեր ակցիաներ: Կրկնեմ՝ եթե իրենց թվում է՝ մարսելու են իրենց դավաճանությունը կեղծ օրակարգերով շեղելով, հանրությանը խաբելով, ուժով իշխանությունը պահելով սխալվում են:
-Մինչև ընդդիմությունն ասում է, որ օրակարգում ոչինչ չի փոխվել, հանրահավաքներ է իրականացնում, շարունակում են մտահոգիչ գործընթացները թե՛ Արցախի, թե՛ ՀՀ սահմանային բնակավայրերում:
- Նոյեմբերի 9-ից սկսած, դեռ դրանից առաջ էլ բազմիցս ասել ենք, որ այս մարդկանց իշխանության մնալու ամեն մեկ օր ավելը կորուստ է մեր հայրենիքի համար: Այո, քանի դեռ գոյություն ունի այս չարիքի կառավարությունը որևէ լավ բանի սպասել անհնար է: Իշխանության խմբակը մեղմ ասած ի վիճակի չէ պահել ժողովրդի շահերը, այլ ընդհակառակը՝ տպավորություն է, որ սպասարկում է թշնամի երկրի շահերը: