Թեհրանն ուշադրությամբ հետեւում է ռազմական գործողություններին Լեռնային Ղարաբաղում եւ չի հանդուրժի ագրեսիան
Թեհրանն ուշադրությամբ հետեւում է ռազմական գործողություններին Լեռնային Ղարաբաղում եւ չի հանդուրժի ագրեսիան իր սահմաններին կամ տարածքներում, «ՌԻԱ Նովոստի»-ին տված հարցազրույցում ասել է Ռուսաստանում Իրանի դեսպան Քազեմ Ջալալին:
Իրանական լրատվամիջոցները հոկտեմբերի 20-ին հայտնել էին, որ անօդաչու սարքը Իրանի սահմանամերձ տարածք է մտել ղարաբաղյան հակամարտության գոտուց: Դրանից առաջ Իրանի արտգործնախարարությունում հայտարարել էին, որ Ղարաբաղում մարտերի պատճառով սահմանամերձ տարածաշրջանի տների վրա ութ արկ է ընկել:
«Ակտիվությունը մեր երկրի սահմանամերձ շրջաններում լրջորեն եւ ուշադրությամբ վերահսկվում է Իրանի Իսլամական Հանրապետության կողմից, եւ այդ կապակցությամբ, անընդունելի հայտարարելով տարածաշրջանում հակամարտող կողմերից որեւէ մեկի ագրեսիան մեր երկրի տարածքի ուղղությամբ, լրջորեն նախազգուշացնում ենք նրանց անհրաժեշտ նախազգուշական միջոցների մասին»,- ասել է Ջալալին:
Դեսպանը շեշտել է, որ Իրանը «սերտ եւ լուրջ կապի մեջ է բոլոր կողմերի հետ»: «Իրանի Իսլամական Հանրապետությունը ոչ մի կերպ չի հանդուրժի ագրեսիան իր սահմաններին եւ իր տարածքում: Ադրբեջանի եւ Հայաստանի միջեւ վերջերս տեղի ունեցած իրադարձությունների ժամանակ մենք երկու կողմերին էլ հայտարարել ենք, որ յուրաքանչյուր ոք, ով չի հետեւում այս սկզբունքին, ամբողջությամբ մերժվելու է»,- ասել է դիվանագետը:
Նրա խոսքով` Իրանն ինքնաբավության եւ նույնիսկ արտահանման հնարավորությունների է հասել պաշտպանական որոշ ոլորտներում: «Եվ եթե մենք անհրաժեշտություն զգանք, ապա անպայման միջոցներ կձեռնարկվեն»,- եզրափակել է դիվանագիտական առաքելության ղեկավարը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին