ՍԴ-ի շուրջ ընթացող գործընթացը ճնշումների արդյունքում է կատարվել. Երվանդ Բոզոյան
Հաշվի առնելով այն հանգամանքը, որ Վահրամ Ավետիսյանի թեկնածությունը միանշանակ չի ընկալվել իշխող թիմի կողմից և ինքը դա տեսնելով և զգալով, որ իր վրա հետագայում լուրջ ճնշումներ են լինելու, որոշել է հետ կանգնել այդ քայլից, ըստ էության, չի ուզում իշխող ուժի կողմից մշտական ճնշման տակ լինել. Tert.am-ի զրույցում նշեց քաղաքագետ Երվանդ Բոզոյանը՝ անդրադառնալով Կառավարության կողմից առաջադրված Սահմանադրական դատարանի դատավորի թեկնածու Վահրամ Ավետիսյանի՝ թեկնածությունը հետ վերցնելու որոշմանը:
Քաղաքագետը նշում է, որ Սահմանադրական դատարանի շուրջ ընթացող ամբողջ գործընթացը ճնշումների արդյունքում է կատարվել, քանի որ իշխող ուժը ՍԴ դատավորի թեկնածուի իր պատկերացումներն ունի. «Իրենք ունեն շատ հակասական պատկերացումներ, մյուս կողմից հասարակության մեջ կա այլ կարծիք իրենց պատկերացումների մասին և արդյունքում առաջանում է ճգնաժամային վիճակ: Իշխանությունը մի կողմից ցանկանում է իր պատկերացրած բյուրեղյա մարդկանց առաջադրել և առաջանում է այս իրավիճակը»:
Երվանդ Բոզոյանի կարծիքով հաշվի առնելով այն հանգամանքը, որ հանրության մի մասը թերահավատորեն է վերաբերվում Սահմանադրական դատարանում իրականացվող փոփոխություններին, հանրության այդ հատվածը ցանկացած թեկնածուի հանդեպ, հայտնելու է անվստահություն: Իսկ հանրության մյուս մասը, որն ուզում է փոփոխություններ, ունի իր ուրույն պատկերացումները, որի իրագործումը, քաղաքագետը համարում է պրակտիկորեն անհնարին:
«Բյուրեղյա թեկնածուներ գոյություն չունեն, իսկ եղած թեկնածուներն իրենք նախկինում գործած թեկնածուներն են, որոնք բոլորի համար տեսանելի են, որոնց վարկանիշը այդքան էլ բարձր չէ, արդյունքում առաջանում է բացը՝ քաղաքական և իրավական բախումը, որն այսօր տեսնում ենք»,- ասաց նա:
Անդրադառնալով այն հանգամանքին, ՍԴ-ում քվորում չլինելու պատճառով նիստեր չեն կայանում, Երվանդ Բոզոյանը նշեց, որ նախկինում ենթադրվում էր, որ ՍԴ-ում իրականացվող փոփոխություններն առաջացնելու է ճգնաժամ, ինչը այսօր նկատելի է:
«Նախկինում ճգնաժամ չկար, իսկ այս պահի դրությամբ իրենց կողմից իրականացվող ամբողջ գործընթացներն ու քայլերը ստեղծելու են ճգնաժամ: Պետության ամենակարևոր ինստիտուտը պարալիզացված վիճակում է մնալու հավերժ, բոլորը անվստահություն են ունենալու այս կառույցի հանդեպ և արդյունքում երկիրը իրավական տեսակետից հայտնվել է խիստ անորոշ վիճակի մեջ»,- նշեց նա:
Հարցին, թե հնարավո՞ր է մյուս թեկնածուներն էլ ճնշումների պարագայում նման որոշում կայացնեն, քաղաքագետը նշեց, որ ոչինչ չի բացառում:
Այս տարի Քաղաքացու օրը նշվում է ապրիլի 25-ին:
Ռուսական ԱԹՍ հարվածից վիրավորվել է Ուկրաինայի պաշտպանության նախարարի խորհրդականը
Իրանը կմասնակցի ԱՄՆ-ի հետ բանակցությունների երկրորդ փուլին
Ձերբակալվել են Սմբատ Լպուտյանն ու Մանկավարժական համալսարանի պրոռեկտորը
Խարդախությամբ 300 հազար դոլար էր հափշտակել․ ՔՈԳՎ ծառայողները հայտնաբերել են հետախուզվող կնոջը
Սերժ Սարգսյանի և ՓԲԸ-ի միջև կնքված հողամասի առուվաճառքի գործարքը ճանաչվել է անվավեր. կբռնագանձվի 78....
Ֆրանսիայի Անտոնի քաղաքում բացվել է Երևանի Դավթաշեն թաղամասի անունը կրող փողոց
Ավտոերթով պայմանավորված՝ վաղը՝ ժամը 8:00-14:00-ը, երթևեկությունը կսահմանափակվի Մ-1-Ուջան հատման հատվ...
Ալեն Սիմոնյանն այցելել է Թուրքիայի (Կ. Պոլսի) Հայոց Պատրիարքություն․ արքեպիսկոպոս Մաշալյանի հետ հարց...
Ուկրաինական անօդաչու թռչող սարքերը կրկին հարվածել են Տուապսեի նավահանգստին