Փող՝ անողնաշարության դիմաց

ՀՀ նախագահ Արմեն Սարգսյանի կեսգիշերային ստորագրությունից կարճ ժամանակ անց ՀՀ կառավարությունն այսօրվա նիստում որոշեց ավելացնել ՀՀ նախագահ Արմեն Սարգսյանի գրասենյակին հատկացվող գումարները: Պատահական համընկնո՞ւմ, կարծում ենք՝ ոչ:

Ընդ որում, որոշումն ընդունվեց առանց զեկուցման ու քննարկման` միաձայն: Եւ հիմա ՀՀ նախագահի «գործունեության եւ ներկայացուցչականության ապահովում» հոդվածով նախատեսված 52 մլն դրամ գումարը կառավարության որոշմամբ կավելանա 49 մլն դրամով կամ 102 հազար դոլարով:

Ավելին, փող՝ անողնաշարության դիմաց ծրագրի շրջանակներում այդ գումարը փոխանցվում է բանկային վճարային քարտին՝ անկանխիկ տարբերակով:

Ի՞նչ է պետք նախագահին երջանիկ լինելու եւ անարժանապատվությունը հաճույքով ընդունելու համար՝ փող, մոտ 102 հազար լրացուցիչ գումար պաղպաղակ գնելու, բնապահպանների հետ պարելու եւ այլ նմանատիպ ուրախությունների համար:

Ենթադրվում է 102 հազար դոլարը մեկ գործարքի գինն է, մոտավորապես ժամը հարյուր դոլար տրամաբանության մեջ: 

Իսկ թե ինչու որոշվեց գումարը ոչ միայն ավելացնել, այլ նաեւ փոխանցել բանկային վճարային քարտին, կառավարությունը հիմնավորեց պետական համակարգում անկանխիկ շրջանառվող միջոցներն ավելացնելու անհրաժեշտությամբ:

Վարդան Մխիթարյան

Top-News.am