Դա նույնն է, որ ասեն՝ որոշել ենք ՍԴ անդամներին գնդակահարել, բայց որ ուղարկենք ՍԴ, իրենք կողմնակալ կլինեն. Թովմասյան
Երբ որ ՍԴ-ն քննության առարկա էր դարձրել «Սահմանադրական դատարանի մասին» օրենքը, այդ ժամանակ ինչո՞ւ որեւէ մեկի մտքով չէր անցնում, որ շահերի բախում կա: Այս մասին, այսօր՝ հունիսի 23-ին ՍԴ-ի դիմաց լրագրողների հետ զրույցում նշեց ՍԴ նախագահ Հրայր Թովմասյանը՝ անդրադառնալով դիրքորոշմանը, սահմանադրական փոփոխությունները չեն ուղարկվել ՍԴ, քանի որ այն վերաբերում է հենց ՍԴ-ին եւ այդտեղ շահերի բախում կա:
«Ամբողջ խնդիրն այն է, որ Սահմանադրական դատարանները, այո, այնպիսին են իրենց վերաբերյալ հարցերը նույնպես կարող են լուծել: Եվ Վենետիկի հանձնաժողովում, եւ միջազգային փաստաթղթերում հստակ նշված է, պարզապես այս դեպքում՝ ՍԴ-ում ավելի մեծ զսպվածություն պետք է ցուցաբերեն, քան այլ դեպքերում:
Չկա այդպիսի հարց, որ ՍԴ-ն քննի, ու դա իրեն չվերաբերվի: Ցանկացած հարց, ասենք կենսաթոշակներին վերաբերող, հարկերին վերաբերող, այս բոլորը վերաբերում են ՍԴ-ին:
Մի դեպքում դու ընդհանրապես սահմանադրական արդարադատություն չես ունենում այդ հարցերով՝ ասելով՝ հաշվի առնելով, որ կարող է իրենք կողմնակալ լինեին, ուրեմն սա դուրս է սահմանադրական վերահսկողությունից: Իսկ այդ կանխավարկածը ձեզ ո՞վ է տվել, որ ՍԴ-ն կարող է կողմնակալ լինի: Ինչու եք այդ կանխավարկածով առաջնորդվում: Այդ դեպքում՝ ասում են՝ գիտե՞ք, ինչ, որոշել ենք ՍԴ բոլոր անդամներին գնդակահարել, բայց գիտեք, որ ուղարկենք ՍԴ, իրենք կողմնակալ կարող են լինել, եկեք չուղարկենք: Դուք մոտավորապես դա եք ասում: Եթե այդպես է, ապա նման դեպքերի համար երկիրը պետք է ունենա մի այլ Սահմանադրական դատարան:
Եթե չես ստեղծել այդպիսի դատարան, ապա հարցը հետեւյալն է՝ արդյոք այդ հարցերը դուրս են սահմանադրական վերահսկողությունից, թե ոչ: Եթե դուրս է վերահսկողությունից, կարո՞ղ ենք օրենք ընդունել, որ երկրում ՍԴ չկա: Չենք ուղաւմում ՍԴ-, որովհետեւ սա վերաբերվում է ՍԴ-ին»,-ասաց Հրայր Թովմասյանը:
Նա հավելեց, որ իրավունքը չի կարելի նոնսենսի հասցնել, իրավունքն ունի իր սկզբունքներն ու անելիքները:
«Իսկ ինչու՞ է ԱԺ-ն քննարկում իրենց վերաբերող հարցերը: Եկեք մի ուրիշ ԱԺ ստեղծենք, թող ինքը որոշի: Եկեք մի նոր կառավարություն ստեղծենք, որը կորոշի, թե կառավարությանը որքան փող տալ»,-ասաց ՍԴ նախագահը:
Սերժ Սարգսյանի և ՓԲԸ-ի միջև կնքված հողամասի առուվաճառքի գործարքը ճանաչվել է անվավեր. կբռնագանձվի 78....
Պարտադիր ժամկետային ծառայության համար ոչ պիտանի ճանաչված անձը հետազոտություն է անցել զինծառայություն...
Ղարաբաղից տեղահանվածների բնակապահովման ծրագրում փոփոխություններ կկատարվեն. նախարարը՝ նոր կարգավորում...
Մալխաս Ամոյանը դուրս եկավ Եվրոպայի առաջնության եզրափակիչ, Մանվել Խաչատրյանը կպայքարի բրոնզի համար
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
Վալմարի նոր ցուցահանդեսը․ «Աշնանային բնապատկերների շարք»
Չհայտարարված այցով Կիև է ժամանել արքայազն Հարին
Իրազեկում․ ապրիլի 23-ին և 24-ին մի շարք փողոցներում կսահմանափակվի երթևեկությունը
Ջրային խնդիրներն առաջիկա 5 տարում լինելու են մեր 5 առաջնահերթությունների մեջ
Դիլիջանի լիմոնադի արտադրամասում հայտնաբերվել են լուրջ սանիտարական խախտումներ, գործունեությունը կասեց...