Փաշինյանը մեկ մարդու շոու է ապահովում

Տոտալիտար երկրի տոտալիտար մտածողությամբ ղեկավար Ստալինի մտքով անգամ չէր անցնում ռազմի դաշտից ստացվող տեղեկությունները, սովետական բանակի հաղթանակները սովետական ժողովրդին մատուցել սեփական ձայնով։ Դա անում էր Լևիտանը։

Հյուսիսային Կորեայում անգամ բոլոր հնարավոր կիմերի մտքով չէր անցնի սեփական ձայնով կոչեր հնչեցնել և ոստիկանական մեքենաներով տարածել փողոցներով։

Նիկոլ Փաշինյանը Հայաստանում աշխատում է վարչապետ, նախագահ, փոխվարչապետ, պարետ, նախարար, քաղաքապետ, մարզպետ, գյուղապետ, դատախազ, դատավոր, քննիչ և այլն։

Կորոնավիրուսային համաճարակի արդյունքում նա դարձավ Հայաստանի գլխավոր համաճարակաբան։ Այսօրվանից նաև՝ գլխավոր դիկտոր՝ հայկական Լևիտան, որի ձայնը տարածվում է ոստիկանական մեքենաներով, և որին թվում է, թե եթե իր ձայնով կոչ անի դիմակ կրել, ապա կորոնավիրուսն անմիջապես կապիտուլյացիա կհայտարարի ու կչքվի մեր երկրից։

Փաշինյանի ու Լևիտանի տարբերությունն այն է, որ վերջինիս ձայնն ամբողջ երկրով մեկ հաղթանակների մասին էր հաղորդում, իսկ «ժողովրդի» վարչապետը՝ պարտությունների։