Վահե Գրիգորյանը որևէ նիստի չի մասնակցել, սակայն աշխատավարձ ստանում է

Վահե Գրիգորյանն իր պաշտոնը ստանձնելուց հետո որևէ նիստի չի մասնակցել: Այս մասին լրագրողներին հայտնել է ՍԴ աշխատակազմի ղեկավար Էդգար Ղազարյանը՝ խոսելով ՍԴ դատավոր Վահե Գրիգորյանի մասին:

Ղազարյանը միևնույն ժամանակ նշել է, որ նիստերին մասնակցելը դատավորների պարտավորությունն է. «Ըստ էության, դատավորների աշխատանքն արտահայտվում է նիստերին մասնակցելով»:

Գրիգորյանը չի մասնակցել նաև աշխատանքային նիստերին. «Բայց մենք նրան հանդիպում ենք»:

Ինչ վերաբերում է վերջինիս աշխատավարձից զրկելուն, Ղազարյանը նշել է, որ նրանք նման լիազորություն չունեն, սակայն Գրիգորյանը կարող է հրաժարվել դրանից, փոխանցել որևէ հիմնադրամի:

Ղազարյանը չգիտի, թե ինչու Գրիգորյանը չի մասնակցում նիստերին. «Իմ կարգավիճակը թույլ չի տալիս, ես նման իրավունք չունեմ նրանից բացատրություն պահանջելու»: