Արարատի կոկորդիլոսաբույծ մարզպետն անգամ չի ընկալում, թե ինչ է ասում Փաշինյանը

Արարատի մարզպետ Գարիկ Սարգսյանի մոտ կորոնավիրուսային հիվանդության որեւէ ախտանիշ այս պահին չկա. նա չի թեստավորվի։ Այս մասին ասօր՝ հունիսի 1-ին, NEWS.am-ի հետ զրույցում հայտնեց մարզպետի մամուլի խոսնակը։

Հիշեցնենք, որ մայիսի 23-ին, վարչապետ Նիկոլ Փաշինյանը Գարիկ Սարգսյանի հետ շրջում էր Արարատի մարզի համայնքներով, իսկ այսօր վարչապետը հայտարարեց, որ իր եւ ընտանիքի մոտ կորոնավիրուս է հաստատվել։

Խոսնակը հայտնեց, որ մարզպետն ու վարչապետը պահել են սոցիալական հեռավորությունը, կրել են բժշկական դիմակ։

«Մարզպետն այս պահին իրեն լավ է զգում։ Ինչպես մարզպետը, այնպես էլ մարզպետարանի բոլոր աշխատակիցները ջերմաչափվում են, կրում են բժշակական դիմակներ, ձեռնոցներ»,- ասաց նա։

Ցավոք, կոկորդիլոսասեր մարզպետը ուշադիր չի լսել, թե ինչ է ասում Փաշինյանը: Ընդգծենք, Փաշինյանը հատուկ շեշտեց, որ որեւէ ախտանշան չի ունեցել, բայց անհրաժեշտ է համարել թեթավորվել, իսկ մարզպետը կամ նրա խոսնակն ասում է ախտանշան չունենք՝ չենք թեթավորվելու: Հենց այսպես էլ երկիրն են կառավարում:

Top-News.am