Արտակարգ դրության ժամանակ օրական ունեցել ենք 40 մլն դոլարի կորուստ

Նա նշեց, որ ԲՀԿ-ն դեռևս նախորդ տարի՝ 2019-ի փետրվարին դեմ քվեարկեց Կառավարության հնգամյա ծրագրին և այն մտահոգությունները, այն փաստարկները, որ ԲՀԿ-ն բերել էր այդ ծրագրում ներառված ցուցանիշերի և դրույթների հետ կապված, ցավոք սրտի, իրականանցան:

Պատգամավորն ընդգծեց, որ Կառավարության այդ մեկ տարվա անցած ճանապարհը ցույց տվեց, որ երկիրը լրջագույն խդիրների առաջ է կանգնած, չնայած, որ նշվել էր, թե տնտեսական թռիչքաձև զարգացում կա:

Միքայել Մելքումյանը նշեց, որ հանրությունը չստացավ հարցի պատասխանը, թե նոր աշխատատեղերը որտեղ և ինչքան են ստեղծվել Հայաստանում: Ըստ նրա՝ 87,000-ը, որի մասին խոսվում է, պարզ չէ, թե դրանք դուրս են եկել ստվերի՞ց, ո՞ր մասն է նորը: Սա, ըստ նրա, կարևոր է, քանի որ նոր աշխատատեղը նշանակում է նոր ներդրումներ:

«Ցավոք սրտի, պետական վիճակագրույթունը ցույց տվեց, որը մինչև հիմա որևէ մեկը չի հերքել, որ օտարերկրյա ներդրումները նվազել են երկու անգամ, քան նախորդ՝ 2018 թվականին, սա լավ բանի մասին չի խոսում: Հայաստան պետք է գային ներդրումներ, և հենց այսօր հենց այս փուլում մենք երբ ունենք համավարակի դժվարագույն իրավիճակ, մեր տնտեսության և երկրի դիմադրողականությունը շատ ավելի բարձր կլիներ, եթե մենք ունենայինք այդ ներդրումները և նորանոր աշխատատեղերը, սակայն, ցավոք սրտի, դրանք չկան»,- ընդգծեց նա:

Պատգամավորը նշեց, որ վարչապետի այսօրվա ուղիղ եթերով հեռարձակված ելույթն ուղղված էր նրան, թե ինչպես պետք է այս իրավիճակում առաջ շարժվենք: «Մենք օրական ունենք 40 մլն դոլարի կորուստ, բայց ներարկվել է 80 մլրդ դրամ, այսինքն՝ 3 մլն դոլար: Դե ինքներդ հաշվեք: 60 օրից հանում ենք ոչ աշխատանքային օրերը, 44 օր և տեսեք, թե ինչ ծավալի մասին է, թե ինչպես ենք սա վերականգնելու, շատ բարդ խնդիր է»,- նկատեց պատգամավորը: