«Սա մի մեծ պրոցեսի սկիզբ է, որով նաև իշխանությունը դրեց իր վերջի սկիզբը». Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանը ևս մեկ անգամ վերահաստատում է, որ այն, ինչ մայիսի 8-ին տեղի ունեցավ խորհրդարանում, առաջին հերթին քաղաքական բնույթ ունի, ուստի ակնկալում են քաղաքական հետևանքներ ու գնահատական:

«Ցավով, պետք է ասեմ, որ միջադեպից հետո վարչապետն իր ելույթով ըստ էության լեգիտիմացրեց խորհրդարանում տեղի ունեցած բռնությունը և սկսեց մի արշավ, որը միտված է բռնության զոհին դարձնել բռնություն կատարող կամ հիմնական մեղավոր: Այդ արշավ այսօր էլ է շարունակվում և մեծ թափ է առել, և դրա մեջ կա խորքային մի հանգամանք, որը կրկին քաղաքական է: Խորհրդարանում հնչած այլընտրանքային, ընդդիմադիր սուր խոսքը որակել են՝ որպես սադրանք, իրականացրել են բռնություն և ասել, որ այդ բռնությունն արդարացված է: Այս ամենը ալիքաձև ազդելու է երկրում ընթացող բոլոր գործընթացների վրա, մարդկանց խոսքի ազատության, ընդդիմադիր ու այլընտրանքային խոսքի վրա: Այս առումով սա մի մեծ պրոցեսի սկիզբ է, որով նաև իշխանությունը դրեց իր վերջի սկիզբը»,- այս մասին խորհրդարանական ճեպազրույցների ժամանակ ասաց Էդմոն Մարուքյանը:

Մանրամասները՝ 168.am-ի տեսանյութում