Brent տեսակի նավթի գինը նվազել է՝ հասնելով բարելի դիմաց մինչեւ 27 դոլարի

Brent տեսակի նավթի գնանշումները, որոնք երեկ վերլուծաբաններին ուրախացրել էին բարելի դիմաց մինչեւ 30 դոլար աննշան աճով, այսօր սկսել են նվազել: FOREX շուկայի տվյալներով՝ Brent-ի գինը կազմել է բարելի դիմաց 27,26 դոլար, փոխանցում է RG-ն:

Հիշեցնենք, որ երեկ Brent-ի ֆյուչերսի արժեքը՝ մայիսյան մատակարարմաբ, Լոնդոնի բորսայում (ICE) սակարկության ժամանակ աճել էր բարելի դիմաց մինչեւ 30,05 դոլար: Այս տեսակի նավթի արժեքը վերջին անգամ մարտի 20-ին էր եղել բարելի դիմաց 30 դոլար նիշից վեր: