Մոսկվայի քաղաքապետը խոսել է առաջիկայում քաղաքում նախատեսվող սահմանափակումների մասին. Медуза

 ՌԴ մայրաքաղաք Մոսկվայում ոչ աշխատանքային շաբաթվա ընթացքում՝ մարտի 30-ից ապրիլի 3-ն ընկած ժամանակահատվածում, փակ կլինեն ժամանցի այգիները, առևտրի կենտրոններն ու հանրային սննդի վայրերը: Այս մասին հայտնել է Մոսկվայի քաղաքապետ Սերգեյ Սոբյանինը ТВЦ հեռուստաալիքի ուղիղ եթերում:

«Ես համարում եմ, որ սրճարանները, ռեստորաններն այս օրերին չպետք է աշխատեն: Առևտրի համալիրները հսկայական են և հավանաբար չեն գործի, բացառությամբ այն սրահների, որտեղ զբաղվում են գյուղատնտեսական կամ առաջին անհրաժեշտության ապրանքների առևտրով: Կենտրոնական այգիների շուրջ նույնպես պետք է մտածել»,- Медуза-ի փոխանցմամբ՝ ասել է Սոբյանինը:

Քաղաքապետի խոսքերով՝ Մոսկվայի իշխանությունները պաշտոնապես նոր սահմանափակումների մասին կհայտարարեն մարտի 26-ին: Միևնույն ժամանակ նաև ընդգծել է, որ Մոսկվայում ոչ աշխատանքային օրերի ընթացքում կշարունակեն գործել արտակարգ իրավիճակների ծառայությունները, իշխանության մարմինները, տրանսպորտը, բանկերը, մթերային խանութները: