Փաշինյանը մինչև հիմա պատիժ կկրեր, եթե Քոչարյանի նկատմամբ կիրառվող չափանիշը կիրառեին իր դեպքում

300.1 հոդվածը գոյություն չի ունեցել 2008 թվականին և հենց այդ հիմքով պատասխանատվությունից ազատվել են հայտնի 7 հոգին՝ Ալեքսանդր Արզումյանյանը, Միասնիկ Մալխասյանը, Շանթ Հարությունյանը և այլոք: Այս մասին այսօր լրագրողների հետ հանդիպմանն ասաց ՀՀ 2-րդ նախագահ Ռոբերտ Քոչարյանի փաստաբանական թիմի անդամ Հայկ Ալումյանը:

Նա ընդգծեց, որ նաև Նիկոլ Փաշինյանի նկատմամբ հենց այդ հիմքով է քրեական հետապնդումը դադարեցվել:

«300 հոդվածով դադարեցվել է և չի վերավորակվել 300.1 հոդվածով ու որոշման մեջ էլ գրված է, թե ինչու չի վերավորակվել: 300.1 հոդվածը 2009 թվականին է մտել ուժի մեջ և սահմանել է նոր հանցակազմ նախկինում գործող օրենքի»,- ասաց նա:

Նրա խոսքով, եթե Քոչարյանի նկատմամբ կիրառվող չափանիշը կիրառեին այն ժամանակ Փաշինյանի նկատմամբ, ապա նա մինչև հիմա պատիժ կկրեր: