Պուտինն ու Ասադը քննարկում են ունեցել ռուս-թուրքական պայմանավորվածությունների իրականացման վերաբերյալ

 Ռուսաստանի նախագահ Վլադիմիր Պուտինը Սիրիայի նախագահ Բաշար Ասադի հետ քննարկել է Սիրիայում տիրող իրավիճակը, այդ թվում՝ Իդլիբի գոտում իրավիճակի կայունացման ուղղությամբ 2020թ. մարտի 5-ի ռուս-թուրքական պայմանավորվածությունների իրագործումը, գրում է iz.ru-ն։

«Քննարկվել են Սիրիայի սահմանադրական կոմիտեի շրջանակներում քաղաքական գործընթացի առաջընթացի հարցերը, ինչպես նաև Սիրիային հումանիտար աջակցության թեման»,- հայտնել Է Կրեմլի մամուլի ծառայությունը՝ ամփոփելով երկու երկրների ղեկավարների հեռախոսազրույցի արդյունքները:

Պուտինը նաև շնորհավորել է Ասադին գալիք մուսուլմանական տոնի՝ Մուհամեդ մարգարեի համբարձման կապակցությամբ, հավելել է մամուլի ծառայությունը:

Հիշեցնենք, որ Ռուսաստանի նախագահ Վլադիմիր Պուտինը մարտի 5-ին թուրք պաշտոնակից Ռեջեփ Թայիփ Էրդողանի հետ բանակցությունների ավարտին հայտնել է, որ կողմերն ընդունելի լուծում են գտել սիրիական Իդլիբ նահանգում իրավիճակի լարվածության կարգավորման համար: ՌԴ ղեկավարը հայտնել է, որ բանակցությունների արդյունքում կողմերը համատեղ փաստաթուղթ են կազմել։