G-7 գագաթնաժողովը կընթանա տեսաձեւաչափով

ԱՄՆ նախագահ Դոնալդ Թրամփը չեղյալ է հայտարարել Քեմփ Դեւիդում G-7-ի հանդիպումը, որը նախատեսված էր հունիսին, վկայակոչելով կորոնավիրուսի համավարակը, հայտնել է Սպիտակ տունը:

Յոթ խոշորագույն արդյունաբերական երկրների՝ Մեծ Բրիտանիայի, Կանադայի, Ֆրանսիայի, Գերմանիայի, Իտալիայի, Ճապոնիայի եւ Միացյալ Նահանգների ներկայացուցիչները դրա փոխարեն մասնակցելու են տեսակոնֆերանսի, հայտարարել է Սպիտակ տան պաշտոնական ներկայացուցիչ Ջադ Դիրը:

Թրամփը G-7-ի առաջնորդների հետ տեսակոնֆերանսի միջոցով խոսել է երկուշաբթի Ֆրանսիայի նախագահ Էմանուել Մակրոնի հրավիրած հանդիպման ժամանակ: Դիրի խոսքով՝ Թրամփը, որն այս տարի «Մեծ յոթնյակում» նախագահելու է, այդպիսի վիրտուալ հանդիպումներ է անցկացնելու ամեն ամիս:

Դիրի խոսքով՝ Սպիտակ տան տնտեսական խորհրդական Լարի Քուդլոուն փոփոխությունների մասին տեղեկացրել է իր գործընկերներին, որ «յուրաքանչյուր երկրի թույլ տա իր բոլոր ռեսուրսները կենտրոնացնել COVID-19-ի հետ կապված առողջապահական եւ տնտեսության խնդիրների լուծման վրա»: