Փոքրիկ ոսկե ձկնիկն այնքան է մեծացել, որ կերել է ակվարիումի մյուս ձկներին (լուսանկարներ)

ԱՄՆ-ում ոսկե ձկնիկը երկու տարվա մեջ 2 դյույմանոց անմեղ արարածից վերածվել է «հրեշի» և կերել ակվարիումի մյուս ձկներին, գրում է Mirror-ը։

Ձկան տիրուհու՝ Ալեքսանդրիա Միլլերի խոսքով՝ Ջերալդ անունով ձկնիկին ձեռք է բերել 2018 թվականի հուլիսին։ Ձուկը երկու տարի անց վերածվել է իսկական «գիշատիչ հրեշի»։

28-ամյա ամերիկուհին այժմ առանձին ակվարիումում է պահում Ջերալդին։

«Երբ ես գնեցի ձկանը, այն երկու դյույմից մի փոքր էր ավել»,- ասել է Ալեքսանդրիան:

Տիրոջ խոսքով՝ հսկայական ոսկե ձկնիկը քաղցած լինելու դեպքում «տեղեկացնում» է այդ մասին։

«Նա թակում է ապակուն մեր ուշադրությունը գրավելու համար»,- ասել է աղջիկը։