Microsoft-ի բաժնետոմսերը 2000 թվականից ի վեր խոշոր անկում են գրանցել

Microsoft-ի բաժնետոմսերը երկուշաբթի 14,7% անկում են գրանցել՝ 2000 թվականից ի վեր, հաղորդում է Market Watch-ը:

Մարտի 16-ին Nasdaq էլեկտրոնային բորսայի ինդեքսը նվազել է 970,28 կետով (12,32%)՝ մինչեւ 6904,59 կետ: Dow Jones եւ S&P 500 ինդեքսները Նյու Յորքի ֆոնդային բորսայում առեւտրի արդյունքներով կորցրել են գրեթե 12-13%՝ կորոնավիրուսի տարածման մտավախությունների ֆոնին:

CNBC-ը հաշվարկել է, որ ամերիկյան 4 խոշորագույն տեխնոլոգիական ընկերությունների՝ Microsoft-ի, Apple-ի, Alphabet-ի եւ Amazon-ի կորուստները միասին սկսած փետրվար ամսից գերազանցել են 1 մլրդ դոլարը:

Microsoft-ը հիմնվել է 1975 թվականին Բիլ Գեյթսի եւ Փոլ Ալլենի կողմից: Կորպորացիան տարբեր սարքերի համար ծրագրային ապահովման խոշորագույն արտադրողներից մեկն է: Ընկերության շտաբ-բնակարանը գտնվում է Վաշինգտոն նահանգի Ռեդմոնդ քաղաքում: