Նյու Յորքի ռեստորանները եւ բարերը փակ կլինեն կորոնավիրուսի պատճառով

Նյու Յորքի իշխանությունները նոր տեսակի կորոնավիրուսի արագ տարածման ֆոնին որոշում են կայացրել մարտի 17-ից փակել բոլոր ռեստորաններն եւ բարերը, սակայն հնարավոր կլինի պատվիրել եւ տանել ուտելիքը, նշվում է Նյու Յորքի քաղաքապետ Բիլ դե Բլազիոյի հայտարարության մեջ, փոխանցում է «ՌԻԱ Նովոստի»-ն:

Ռեստորանների աշխատանքը կսահմանափակվի նաեւ առաքմամբ: Համապատասխան կարգադրությունը կստորագրվի վաղը, այն ուժի մեջ կմտնի մարտի 17-ին` 9:00-ից, նշվում է հայտարարության մեջ:

Առողջապահության համաշխարհային կազմակերպությունը (ԱՀԿ) մարտի 11-ին COVID-19 նոր կորոնավիրուսի բռնկումը պանդեմիա էր հայտարարել: Աշխարհում արդեն 135 երկրում ավելի քան 142 հազար մարդ է վարակվել, մեծ մասը առողջացել է, ավելի քան 5.3 հազար մարդ մահացել է: