Բիլ Գեյթսը լքել է Microsoft-ը

Microsoft-ի հիմնադիր և նախկին գլխավոր տնօրեն Բիլ Գեյթսը լքում է ընկերության տնօրենների խորհուրդը, նշվում է մամուլի հաղորդագրությունում:

Նշվում է, որ Գեյթսը հեռանում է, քանի որ նպատակադրվել է ավելի շատ ժամանակ հատկացնել բարեգործությանը:

64-ամյա Գեյթսը զբաղեցնում էր ընկերության գլխավոր տնօրենի պաշտոնը մինչև 2008թ.: Նա հեռացավ այդ պաշտոնից նույն պատճառով, որպեսզի ավելի շատ ժամանակ հատկացնի իր հիմնադրամին:

2008թ. հիմնադրված Բիլ և Մելինդա Գեյթսերի հիմնադրամն աջակցում է սոցիալական, կրթական և առողջապահական նախագծերին:

Գեյթսը հիմնադրել է Microsoft-ը 1975 թվականին Պոլ Ալենի հետ միասին, ով մահացել է 2018 թվականին։

Forbes-ի տվյալներով գործարարը 113,1 միլիարդ դոլար կարողությամբ երկրորդ տեղն է զբաղեցնում աշխարհի ամենահարուստ մարդկանց ցուցակում։