Լուկաշենկոն հայտարարել է, որ Բելառուսում կորոնավիրուսի պատճառով խուճապի համար հիմքեր չկան

Բելառուսի նախագահ Ալեքսանդր Լուկաշենկոն հայտարարել է, որ երկրում կորոնավիրուսի շուրջ ստեղծված իրավիճակի հետ կապված խուճապի համար հիմքեր չկան:

«Ես հասկանում եմ, որ մեզ հաջողվել է հանգիստ անցնել այս ժամանակահատվածը: Հանգստանալ, իհարկե, չի կարելի: Բայց խուճապի մենք որեւէ հիմք չունենք»,- Լուկաշենկոյին մեջբերում է ԲելՏԱ-ն:

Լուկաշենկոն նշել է, որ իրարանցում ստեղծել եւ տարբեր տեսակի դեղամիջոցներ կամ բժշկական դիմակներ գնել պետք չէ: «Վազեցիք, գնեցիք ամբողջը: Եւ ի՞նչ: Հիմա հասկացաք, որ գերլարվել էիք»,- նշեց պետության ղեկավարը առողջապահության նախարար Վլադիմիր Կարանիկի հետ հանդիպման ժամանակ: Ըստ նրա, այժմ բժշկական դիմակները Բելառուսում արտադրվում են մի քանի գործարանում: «Օրական հարյուր հազարավոր հատ: Թող գնեն, եթե ինչ-որ մեկին պետք է »,- ասաց նա:

Բելառուսի Նախագահը հիշեցրել է, որ դիմակ կրել պետք է միայն հիվանդներին` այլոց վարակելու ռիսկը նվազեցնելու համար: