8-ամյա տղան շահել է մարիխուանա ծխելու 200 դոլարի արտադրանք

Կանադայում պապիկը զարմացած էր՝ տեղեկանալով, որ իր 8-ամյա թոռը հոկեյի երիտասարդական մրցաշարում վիճակախաղում շահել է մարիխուանա ծխելու համար գրեթե 200 դոլարի արտադրանք:

Քիտ Ռեդլը CTV News-ին հայտնել է, որ հոկեյի երիտասարդական լիգայում խաղացող թոռը վիճակախաղի տոմսեր էր հավաքել՝ մրցանակ շահելու համար: Ռեդլի թոռը տոմսերը դրել է հատուկ պայուսակի մեջ: Նրա ընտանիքին ավելի ուշ հայտնել են, որ նա շահել է «200 դոլարի մրցանակ», ասել է Ռեդլը:

Երեխայի հոր կատարած լուսանկարներում ցույց են տրված կանաբիսի համար տարբեր ատրիբուտներ, այդ թվում՝ ուտելի, կրակայրիչներ եւ ծխելու պարագաներ:

«Թոռս կարծում էր, թե մեծ մրցանակ է շահել»,- ասել է Ռեդլը: - «Հայրիկ, ես շոկոլադ եմ շահել», «Ոչ, որդիս, շոկոլադի մեջ վատ թմրանյութեր են»: Երեխային սա ինչպե՞ս բացատրես»:

Հոկեյի ասոցիացիան հայտարարել է, որ մրցանակը նախատեսված էր մեծահասակների համար, այլ ոչ թե երեխաների:

Ռեդլն իրավիճակը «ծիծաղելի» է որակել: «Պատանեկան հոկեյի մրցաշարում թմրանյութերը տեղ չունեն»,- ասել է նա: