Ներգաղթյալները 12 եվրոյով կարողանում են մեկնել Եվրոպա

Մաքսանենգները որոշակի գումարի դիմաց փախստականներին Թուրքիայի ու Հունաստանի սահմանին գտնվող դիրքերով փախչելու հնարավորություն են տալիս, որ վերջիններս կարողանան ուղևորվել դեպի Եվրոպա: Այս մասին հայտնում է Daily Mail-ը:

Սահմանը գաղտնի հատելու համար փախստականները վճարում են մոտավորապես 12 եվրո: Պարբերականը նշում է, որ նախկինում գներն ավելի բարձր էին, դրանք նվազել են ներգաղթյալների մեծ հոսքի պատճառով:

«Նախկինում մենք մեկ անձից ստանում էինք 150-230 եվրո, սակայն այժմ սկսել ենք արժեքն իջեցնել»,- պատմել է մաքսանենգներից մեկը:

Նա նաև հայտնել է, որ Անկարան չի խոչընդոտում իրենց ապօրինի գործունեությանը: